સુરતમાં ખુલ્લે આમ થઇ રહી હતી દારૂની હેરાફેરી- રીક્ષામાં આગ લગતા ફૂટ્યો ભાંડો, એટલી બોટલો નીકળી કે…

સુરત(ગુજરાત): આજકાલ આગની ઘટનાઓ સતત વધી રહી છે. ત્યારે ફરીવાર સુરત (Surat)ના હીરાબાગ (Hirabag)માં એકે રોડ (AK Road) વિસ્તારમાં CNG રીક્ષા(Rickshaw)માં આગ લાગી હોવાની ઘટના સામે આવી છે.

મળતી માહિતી મુજબ, CNG રીક્ષામાં આગ લગતા તાત્કાલિક ફાયર વિભાગને જાણ કરવામાં આવી હતી. બાદમાં ફાયર વિભાગ દ્વારા પાણીનો મારો ચલાવીને આગ કાબુમાં લેવામાં આવી હતી. આગ લાગવાનું કોઈ કારણ હજી સામે આવ્યું નથી. જોકે, આ ઘટનામાં કોઈ જાનહાની થઇ નથી.

રીક્ષામાંથી મળી દારૂની બોટલો
રીક્ષાની આગ બુઝાવતા પાછળ ડીકીમાંથી દારૂની બોટલો મળી આવતા પોલ ખુલી હતી. ગુજરાતમાં દારૂબંધી હોવા છતાં રીક્ષામાંથી દારુ મળી આવતા અનેક સવાલો ઉભા થયા છે. હાલ વરાછા પોલીસને જાણ કરતા ઘટનાસ્થળે પહોચી વધુ તપાસ હાથ ધરવામાં આવી છે.

હીરાબાગ એકે રોડ વિસ્તારમાં CNG રીક્ષા માં આગ લાગી, રિક્ષાની ડીકી માંથી ઝડપાઈ દારૂની બોટલો#surat #AagGhatna #AutoRikshaw #akroad pic.twitter.com/ZncZGxQfeP

— Trishul News (@TrishulNews) June 22, 2022