હાડ થીજાવતી ઠંડીથી ધ્રુજી ઉઠ્યું ગુજરાત- આબુમાં ઝીરો ડિગ્રી તાપમાનથી ચોતરફ છવાઈ બરફની ચાદર, થયો કાશ્મીરનો અનુભવ

Gujarat Winter Update: દેશમાં ડિસેમ્બર મહિનો પૂરો થતાં જ લોકો કડકડતી ઠંડીનો અહેસાસ કરી રહ્યા છે. પારો ગગડવાને કારણે ઉત્તર ભારતમાં કડકડતી ઠંડી શરૂ થઈ ગઈ છે. તે જ સમયે, ગુજરાત સરહદ પર સ્થિત માઉન્ટ આબુનું તાપમાન શૂન્યથી પાંચ ડિગ્રી નીચે પહોંચી ગયું છે. કાશ્મીરના પહાડી વિસ્તારોમાં હિમવર્ષા થઈ હતી, જેના કારણે કુપવાડા-ભાદરવાહ સિઝનની સૌથી ઠંડી(Gujarat Winter Update) રાત જોવા મળી હતી.

તો બીજી તરફ બનાસકાંઠા જિલ્લાના અડીને આવેલા હિલ સ્ટેશન માઉન્ટ આબુમાં મોટી સંખ્યામાં પ્રવાસીઓ ઊમટી પડ્યા છે. પ્રવાસીઓ હાલ ઠંડીનો અહેસાસ માણી રહ્યા છે. ડિસેમ્બર મહિનાના અંત સુધીમાં માઉન્ટ આબુમાં ઠંડીનો પારો માઈન્સ ડિગ્રીમાં પહોંચી જાય છે. હાલ માઉન્ટ આબુમાં ચોતરફ બરફ પથરાયેલો જોવા મળી રહ્યો છે. જેથી કાશ્મીર તેમજ મનાલીમાં હોય તેવો માહોલ છવાયો છે. આબુમાં હિમવર્ષાને પગલે જાણે બરફીલો માહોલ જામ્યો હોય તેવું લાગી રહ્યું છે. આહલાદક વાતાવરણનો હાલ પ્રવાસીઓ લાભ ઉઠાવી રહ્યા છે.