November 24, 2024
Gujarat Cold Forecast: ગુજરાતમાં શિયાળાએ પોતાનો અસલી રંગ દેખાડવાનું શરુ કરી દીધું છે. રાજ્યમાં અત્યારે કડકડતી ઠંડી પડવાનું શરુ થઈ ગયું છે. ગુજરાતમાં (Gujarat Cold Forecast) લઘુતમ તાપમાન 12 ડિગ્રી સુધી નીચે પહોંચી જતાં રાજ્યમાં ઠંડીનો ચમકારો અનુભવાયો છે.આગામી દિવસોમાં હજી પણ ઠંડી પડશે.
12.2 ડિગ્રી તાપમાન સાથે નલિયા બન્યું ઠડુંગાર
ગુજરાતમાં ઠંડીએ જોર પકડ્યું છે. ત્યારે રાજ્યમાં 12.2 ડિગ્રીથી લઈને 21.7 ડિગ્રી વચ્ચે લઘુતમ તાપમાન નોંધાયું છે. જેમાં નલિયા 12.2 ડિગ્રી લઘુતમ તાપમાન સાથે સૌથી ઠંડુ શહેર રહ્યું હતું. જ્યારે ઓખામાં 21.7 ડિગ્રી લઘુતમ તાપમાન નોંધાયું હતું.ત્યારે હવામાન વિભાગે જણાવ્યું છે કે, today’s forecast આગામી સાત દિવસ ગુજરાતનું હવામાન શુષ્ક રહેશે. લઘુત્તમ તાપમાનમાં મોટો ફેરફાર થવાની શક્યતા નથી. પરંતુ સામાન્ય ઘટાડો નોંધાઈ શકે છે.
અમદાવાદમાં 3 દિવસમાં 3 ડિગ્રી તાપમાન ઘટ્યું
ગુજરાતમાં ઠંડી પડવાની શરુઆત થઈ ગઈ છે ત્યારે રાજ્યમાં મોટા ભાગના શહેરોમાં તાપમાન 17 ડિગ્રી સુધી સરકી ગયું છે. અમદાવાદ શહેરની વાત કરીએ તો દિવસે ને દિવસે તાપમાન ઘટી રહ્યું છે. અમદાવાદમાં છેલ્લા 3 દિવસમાં 3 ડિગ્રી તાપમાન ઘટ્યું હતું.હાલ લઘુત્તમ અને મહત્તમ તાપમાન નીચે જવાનો ટ્રેન્ડ ચાલી રહ્યો છે. આ સાથે ઉત્તર પૂર્વના પવનો ફૂંકાઈ રહ્યા છે જેના કારણે હાલ તાપમાન નીચું જઈ રહ્યું છે.
Trending News
રાજ્યમાં કેવુ રહેશે તાપમાન
હવામાન વિભાગની આગાહી અનુસાર અમદાવાદ, અમરેલી,અરવલ્લી, બોટાદ, ડાંગ, દેવભૂમિ દ્વારકા, જામનગર, નર્મદા, વડોદરા, રાજકોટ સહિતના જિલ્લાઓમાં 17 ડિગ્રી ન્યૂનતમ તાપમાન રહે તેવી શક્યતા છે. સુરેન્દ્રનગર, સાબરકાંઠા, પાટણ, પંચમહાલ, મોરબી, મહેસાણા, કચ્છ, ખેડા, જુનાગઢ સહિતના જિલ્લાઓમાં 16 ડિગ્રી ન્યૂનતમ તાપમાન રહે તેવી શક્યતા છે. આ ઉપરાંત તાપી, ભરૂચ સહિતના જિલ્લાઓમાં 18 ડિગ્રી ન્યૂનતમ તાપમાન રહે તેવી શક્યતા છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App