November 18, 2024
સુનંદા પુષ્કર મૃત્યુ કેસમાં આરોપી બનાવવામાં આવેલા પૂર્વ કેન્દ્રીય મંત્રી અને કોંગ્રેસના સાંસદ શશી થરૂર(Shashi Tharoor)ને દિલ્હીની કોર્ટે નિર્દોષ જાહેર કર્યા છે. સુનંદા પુષ્કર થરૂરની પત્ની હતી. 17 જાન્યુઆરી, 2014 ના રોજ સુનંદા પુષ્કરનું દિલ્હીની એક ફાઇવ સ્ટાર હોટલમાં રહસ્યમય રીતે મૃત્યુ થયું હતું. તેમના મૃત્યુના થોડા દિવસો પહેલા સુનંદા પુષ્કરે આરોપ લગાવ્યો હતો કે થરૂરના પાકિસ્તાની મહિલા પત્રકાર સાથે સંબંધ છે.
સુનંદાના મોતના કેસમાં દિલ્હી પોલીસે શશી થરૂરને આરોપી બનાવ્યા હતા અને તેમની સામે IPC ની કલમ 307, 498 A હેઠળ કેસ નોંધ્યો હતો, પરંતુ સાત વર્ષ બાદ દિલ્હીની રાઉઝ એવન્યુ કોર્ટે થરૂરને તમામ આરોપોમાંથી મુક્ત કર્યા હતા. કોર્ટમાંથી રાહત મળ્યા બાદ થરૂરે કહ્યું કે તેણે સાડા સાત વર્ષ ત્રાસ ગુજાર્યા હતા. જો કે, આ કેસમાં શશી થરૂરની એક વખત પણ ધરપકડ કરવામાં આવી નથી અને તેમને જામીન મળી રહ્યા છે.
પ્રારંભિક તપાસમાં એવું કહેવામાં આવ્યું હતું કે સુનંદાનું મૃત્યુ ડ્રગ ઓવરડોઝથી થયું હતું, પરંતુ આ હાઇ પ્રોફાઇલ કેસમાં 19 જાન્યુઆરી, 2014 ના રોજ સુનંદા પુષ્કરનું પોસ્ટમોર્ટમ એઇમ્સ ખાતે કરવામાં આવ્યું હતું. ત્યાંના ડોક્ટરોએ કહ્યું હતું કે, સુનંદાના શરીર પર 12 થી વધુ નિશાન છે. તેમાંથી એક તેના ગાલ પર હતો, જે સૂચવે છે કે તેને તેના ચહેરા પર ગંભીર ઈજા થઈ છે તેમજ તેના ડાબા હાથ પર માનવ દાંતના કરડવાના નિશાન છે. તેના શરીરમાં એવી કોઈ વસ્તુ મળી નથી કે જેના પરથી એવું કહી શકાય કે સુનંદાનું મૃત્યુ ડ્રગ ઓવરડોઝથી થયું હતું. તેમના શરીરમાં ‘અલ્પ્રાઝોલમ’ (ચિંતા વિરોધી દવા) નો નજીવો જથ્થો મળી આવ્યો હતો. ડોક્ટરોએ તેમનું મૃત્યુ અકુદરતી અને અચાનક થયું હોવાનું પણ જણાવ્યું હતું.
Trending News
સુનંદા પુષ્કર મૃત્યુ કેસમાં પાકિસ્તાની પત્રકાર મેહર તરારનું નામ પણ સામે આવ્યું છે. તમને જણાવી દઈએ કે 2014 માં જ સુનંદા પુષ્કરે મેહર તરાર પર શશી થરૂર પર પ્રેમના જાળમાં ફસાવવાનો આરોપ લગાવ્યો હતો અને બંનેના ઘણા અંગત ટ્વીટ સામ્યમાં કર્યા હતા. આ પછી ટ્વિટર પર જ બંને વચ્ચે ઉગ્ર દલીલ થઈ હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.