February 22, 2025
Surat News: સુરતના સારોલી પોલીસે કોલેજ સંચાલકોના માલિકોને ખંડણી માટે ધમકી આપવાના કેસમાં NSUIના પાંચ લોકોની ધરપકડ કરી છે. આરોપીઓએ મીડિયાને (Surat News) બોલાવીને, પ્રેસ કોન્ફરન્સ કરીને અને સોશિયલ મીડિયા પર કોલેજો વિરુદ્ધ વીડિયો બનાવીને ત્રણેય ખાનગી કોલેજોને બદનામ કરી હતી. સાથે જ કોલેજ સંચાલકોને ધમકી આપતા તેમણે કહ્યું કે તમે વિદ્યાર્થીઓને નકલી ડિગ્રી અને માર્કશીટ આપો છો.
કોલેજ સંચાલકો પાસેથી એક કરોડ રૂપિયાની માંગણી
1 જાન્યુઆરી 2025થી સુરત એનએસયુઆઈના પ્રમુખ ધીરેન્દ્ર સિંહ સોલંકી અને તેમની સાથે પ્રીત ચાવડા, રવિ પૂંછડીયા, મિતેશ હડીયા, તુષાર મકવાણા, અભિષેક ચૌહાણ અને કિશોરસિંહ ડાભીએ સાથે મળીને રેડ એન્ડ વ્હાઈટ ઇન્સ્ટિટ્યૂટના સંચાલકો સામે બોગસ રીતે ઇન્સ્ટિટ્યૂટ ચલાવવામાં આવતું હોવાના સવાલો ઉભા કર્યા હતા. આ બાબતે એક પ્રેસ કોન્ફરન્સ કર્યા બાદ અલગ અલગ ક્લિપો સોશિયલ મીડિયામાં વાયરલ કરી હતી અને રેડ એન્ડ વ્હાઈટ મલ્ટીમીડિયા એજ્યુકેશન તેમજ ક્રિએટિવ ડિઝાઇન એન્ડ મલ્ટીમીડિયા ઇન્સ્ટિટ્યૂટ અને એડિટેક આ ત્રણે સંસ્થાઓ ખોટી રીતે વિદ્યાર્થીઓને માર્કશીટ બનાવે છે. તે પ્રકારના આક્ષેપો કરી ત્રણેય સંસ્થાઓને સોશિયલ મીડિયામાં બદનામ કરવા અલગ અલગ રિલ્ડ અને પોસ્ટ વાયરલ કરી સંસ્થા વિરુદ્ધ વધારે આ પ્રકારનો પ્રચાર નહીં કરવા માટે અને સંસ્થાના સંચાલકોને ફસાવી 10 વર્ષ સુધીની જેલ કરાવી દઈ ધંધાને તાળા મારવાનો ધમકી આપીને એક કરોડ રૂપિયા સમાધાન માટે માંગ્યા હતા.
ધમકીઓથી કંટાળીને પોલીસમાં ફરિયાદ કરી
ધમકીઓથી કંટાળીને, કોલેજ મેનેજમેન્ટે પૈસા આપવાનો વીડિયો બનાવ્યો અને પોલીસનો સંપર્ક કર્યો. પોલીસે પણ સમગ્ર મામલાને ગંભીરતાથી લીધો અને પહેલા યુનિવર્સિટીનો સંપર્ક કરીને જાણવાનો પ્રયાસ કર્યો કે શું આ કોલેજ નકલી ડિગ્રી અને માર્કશીટ આપે છે? તપાસ દરમિયાન પોલીસને જાણવા મળ્યું કે આ ત્રણેય કોલેજો દક્ષિણ ગુજરાત વીર નર્મદ યુનિવર્સિટી દ્વારા માન્ય છે. પોલીસે તાત્કાલિક કાર્યવાહી કરી અને ગેંગના તમામ 5 સભ્યોને કસ્ટડીમાં લીધા. પોલીસ તપાસમાં જાણવા મળ્યું છે કે ગેંગના સભ્યો કોંગ્રેસ સંચાલિત યુવા પાંખ NSUI ના સભ્યો છે અને તેમના નેતા ધીરેન્દ્ર સિંહ સોલંકી છે.
Trending News
આરોપીઓના નામ
રવિ પુચડિયા
ધીરેન્દ્ર સિંહ સોલંકી
મિતેશ હડિયા
પ્રીત ચાવલા
તુષાર મકવાણા
ફરાર આરોપી
અભિષેક ચૌહાણ
કિશોર સિંહ ડાભી
ફરાર આરોપીની શોધખોળ હાથ ધરી
પોલીસ હવે બે ફરાર આરોપીઓની શોધ કરી રહી છે અને ધરપકડ કરાયેલા આરોપીઓની પૂછપરછ કરી રહી છે કે તેમણે બીજા કેટલા લોકો પાસેથી ખંડણી માંગી છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો:
- Trishul News Gujarati iPhone App