કોરોના કોઈ જીવલેણ વાયરસ નથી, દવા બનાવતી કંપનીઓનું પૈસા કમાવાનું ષડયંત્ર છે

રાજકોટ નાગરિક સહકારી બેંક દ્વારા કરોડોના વાયરસની જાગૃતિ માટે પદ્મભૂષણ ડોક્ટર બી એમ હેગડે અને જાણીતા ડોક્ટર વિશ્વરૂપ ચૌધરી સાથે વિડીયો વાર્તાલાપ યોજવામાં આવ્યો હતો. જેમાં બંને તબીબોએ સ્પષ્ટ રીતે જણાવ્યું હતું કે દવાઓ, રસી સેનેટાઈઝર બનાવતી કંપનીઓએ મિલીભગતથી કોરોના ને મોટું રૂપ આપી દીધું છે. કોરોના થી મૃત્યુ થતા નથી. ભયથી મૃત્યુ થાય છે. આગામી એક મહિનામાં કોરોના નું નામોનિશાન નહીં હોય.

ડોક્ટર બી એમ હેગડે જણાવ્યું હતું કે કોરોના એ માઈલ્ડ વાયરસ છે. એ જાનલેવા નથી. તે હવામાં ફેલાયને ચેપ લગાડતો નથી. સ્પર્શ થી, હાથ મિલાવવાથી, ભેટવાંથી આ વાયરસ લાગુ પડે છે. લોકોએ કોરોના થી ડરવાની જરૂર નથી. માત્ર સાવચેતી રાખવાની જરૂર છે. ગરમી વધશે તેમ કોરોના માંથી બહુ જલદી મુક્તિ મળી જશે. તાવ-શરદી હોય તો ખૂબ પાણી પીઓ, સાદું ભોજન લો ને આરામ કરો. આજ વાયરસને ડામવાની દવા છે. વાયરસ માટે બજારમાં કોઈ દવા નથી.

ડોક્ટર વિશ્વરૂપ ચૌધરીએ કહ્યું કે, કોરોના એ નવો કે આજકાલ નો વાયરસ નથી. દરેક વ્યક્તિ તાવ, શરદી અને ઉધરસ માંથી પસાર થઇ હશે. બની શકે કે જે તે સમયે તાવ, શરદી એ કોરોના ને કારણે પણ થયા હોય. કોરોના વાયરસની ઓળખ ઊભી કરી, તેને મોટુ રૂપ આપી ભય ફેલાવવામાં આવી રહ્યો છે. આ ડર નો વેપાર છે. ચીન અને ઇટલી માં કોરોના વાઇરસને કારણે મૃત્યુ પામેલા લોકોને કોઇને કોઇ અન્ય બીમારી હતી તેવા રિપોર્ટ ગયા અઠવાડિયે જાહેર થયા છે. હદય રોગ અને કિડની ફેલ હોય તેવા લોકોને આ વાયરસ જલ્દીથી લાગુ પડે છે. આવી ગંભીર બીમારી હોય તેવા લોકોને રોગપ્રતિકારક શક્તિ ઓછી હોવાને કારણે તેઓ મૃત્યુ પામે છે અને મૃત્યુનો દોષ કોરોના ના ખાતામાં જાય છે.