November 18, 2024
ગયા વર્ષે સપ્ટેમ્બર સુધીમાં ભારતમાં કોરોના વાયરસના લગભગ એક લાખ કેસ નોંધાયા હતા. આ તે સમય હતો જ્યારે ભારત અમેરિકાને પછાડવાની તૈયારીમાં હતું. હોસ્પિટલો દર્દીઓથી ભરેલી હતી. ભારતીય અર્થવ્યવસ્થા અભૂતપૂર્વ મંદીમાં ફેરવાઈ ગઈ હતી. જોકે, આગામી ચાર મહિનામાં ભારતમાં કોરોના દર્દીઓની સંખ્યામાં મોટો ઘટાડો થયો હતો. હવે ભારતમાં દરરોજ આશરે 10,000 જેટલા કોરોના ચેપના કેસ નોંધાય રહ્યા છે.
ગયા મહિને આરોગ્યમંત્રીએ કહ્યું હતું કે, 26 જાન્યુઆરીએ ભારતમાં કોરોનાના ફક્ત 9,100 નવા કેસ નોંધાયા હતા. છેલ્લા આઠ મહિનામાં ભારતમાં દર્દીઓની આ સૌથી ઓછી સંખ્યા હતી. આ સિવાય 7 ફેબ્રુઆરીએ માત્ર 11,831 કેસ નોંધાયા હતા. જ્યોર્જટાઉન યુનિવર્સિટીના આરોગ્ય અર્થશાસ્ત્રી જીષ્ણુ દાસ કહે છે, “ભારતમાં ન તો પરીક્ષણ ઓછું થયું છે અને ન જોખમને ઓછો આંકવામાં આવ્યો છે, તો પછી આ ઝડપથી ફેલાયેલી બીમારી અચાનક કેવી રીતે ગાયબ થઈ ગઈ!” હોસ્પિટલમાં આઈસીયુનો ઉપયોગ પણ ઓછો થયો. દરેક સંકેત દર્શાવે છે કે ભારતમાં કોરોના દર્દીઓની સંખ્યા હવે ઓછી છે.
ભારત એશિયા, આફ્રિકા અને દક્ષિણ અમેરિકાના ઘણા દેશોમાંનો એક છે જ્યાં જાહેર સ્થળોએ માસ્ક પહેરવા જરૂરી છે. વડા પ્રધાન નરેન્દ્ર મોદી ખુદ કોરોના રોગચાળાના પ્રારંભિક તબક્કામાં માસ્ક પહેરેલા જોવા મળ્યા હતા. તેનો સંદેશ ખૂબ જ સ્પષ્ટ હતો. મુંબઈ જેવા મોટા શહેરોની નગરપાલિકાઓમાં પોલીસ વહીવટીતંત્રે માસ્ક ન પહેરનારાઓને 200-200 રૂપિયા દંડ વસૂલવાનું શરૂ કર્યું હતું. જ્યારથી માસ્ક ના પહેરનારને દંડ લેવામાં આવ્યા ત્યારથી ઘણો ફાયદો થયો છે. આ માટે સરકારે 200 થી લઈને 2000 હજારના દંડ પણ ઉઘરાવ્યા છે. લોકો માની રહ્યા હતા કે, સરકાર લોકોને લુંટવાનું કામ કરી રહી છે, પરંતુ હાલ દેશમાં કોરોના મામલે ઘણો સુધારો દેખાયો છે. મોટી મોટી રકમના દંડથી બચવા દરેક લોકોએ માસ્ક પહેરવાનું શરુ કરી દીધું હતું. જેના કારણે આજે દેશમાં કોરોના ઘટતો દેખાઈ રહ્યો છે.
Trending News
આબોહવા પણ કોરોના પીડિતોની સંખ્યામાં ઘટાડા માટે મદદગાર સાબિત થઈ છે. દેશના મોટાભાગના ભાગો ગરમ અને ભેજવાળા છે. પુરાવા અસ્તિત્વમાં છે કે ભારતનું વાતાવરણ વાયરસના ફેલાવાને રોકવામાં મદદગાર છે. જો કે, કેટલીક વસ્તુઓ તેનાથી વિરુદ્ધ પણ છે. મળેલી માહિતી અનુસાર જાણવા મળ્યું કે, ગરમ અને ભેજવાળી જગ્યાએ કોવિડ -19 ની અસર ઓછી છે. ગરમ તાપમાન અને ભેજ એક સાથે કોરોના વાયરસની અસરને ઘટાડે છે.
પેન્સિલવેનીયા સ્ટેટ યુનિવર્સિટીના સેન્ટર ફોર ચેપી રોગ ડાયનેમિક્સના ડિરેક્ટર એલિઝાબેથ મેકગ્રાએ ગયા વર્ષે જણાવ્યું હતું કે, વાયરસ ઠંડા અને સૂકા સ્થળોએ હવામાં લાંબા સમય સુધી સક્રિય હોય છે. ગરમ હવા અને ભેજવાળી જગ્યાએ વાયરસ ઝડપથી નિષ્ક્રિય થાય છે, જે ટ્રાન્સમિશનનું જોખમ ઘટાડે છે.
ભારતમાં પહેલેથી જ મેલેરિયા, ડેન્ગ્યુ ફીવર, ટાઇફોઇડ, હેપેટાઇટિસ અને કોલેરા જેવા રોગો છે. દેશના લાખો લોકોને પીવા માટે શુધ્ધ પાણી મળતું નથી. ત્યાં સ્વચ્છતા અને આરોગ્યપ્રદ ખોરાકની અછત છે. કેટલાક નિષ્ણાતો કહે છે કે આવી પરિસ્થિતિમાં રહેતા લોકોમાં રોગપ્રતિકારક શક્તિમાં રોગો સામે લડવાની ક્ષમતા વધુ હોય છે.
ભારતને યુવાનોનો દેશ કહેવામાં આવે છે. અહીં 65 વર્ષથી વધુ ઉંમરના ફક્ત 6 ટકા લોકો જ જીવે છે. અડધાથી વધુ વસ્તી 25 વર્ષથી ઓછી વયની છે. ઘણા અભ્યાસ પુરાવા છે કે કોવિડ -19 થી યુવાનીમાં મૃત્યુનું જોખમ ઓછું છે. એક અહેવાલમાં જણાવાયું છે કે દેશમાં 65 વર્ષથી વધુ ઉંમર પછી કોવિડ -19 નો મૃત્યુદર આપમેળે ઘટતો જાય છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે… લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle