ભારતીય વૈજ્ઞાનિકોએ કરી બતાવ્યું હો બાકી! હવે માત્ર આટલા સમયમાં થઇ શકશે ઓમિક્રોનની ઓળખ -Trishul News

કોરોના(Corona)ના નવા પ્રકાર ઓમિક્રોન(Omicron)નો ખતરો દરરોજ વધી રહ્યો છે. દરરોજ સંક્રમિતોની સંખ્યા વધી રહી છે. દેશમાં અત્યાર સુધીમાં ઓમિક્રોનના 33 દર્દીઓ મળી આવ્યા છે. હાલમાં, કોરોના દર્દીને ઓમિક્રોનથી સંક્રમણ લાગ્યું છે કે કેમ તેની તપાસ કરવા માટે જીનોમ સિક્વન્સિંગ(Genome sequencing) કરવું પડે છે. આ પરીક્ષણમાં વધુ સમય લાગે છે, પરંતુ ટૂંક સમયમાં કોરોનાના નવા પ્રકાર ઓમિક્રોનને શોધવાનું સરળ બનશે.

ઈન્ડિયન કાઉન્સિલ ઓફ મેડિકલ રિસર્ચ (ICMR), ડિબ્રુગઢએ એક ટેસ્ટિંગ કીટ તૈયાર કરી છે, જે માત્ર બે કલાકમાં ઓમિક્રોનને શોધી કાઢશે. દેશના ઘણા રાજ્યોમાં ઓમિક્રોનના વધતા જતા કેસોને જોતા આ કિટ ઘણી મહત્વપૂર્ણ સાબિત થશે. અત્યાર સુધી અધિકારીઓની ચિંતા એ હતી કે ઓમિક્રોન વેરિઅન્ટને વહેલી તકે કેવી રીતે શોધી શકાય. હાલમાં બજારમાં ઉપલબ્ધ કિટની મદદથી ઓમિક્રોનને શોધવામાં ત્રણથી ચાર દિવસનો સમય લાગતો હતો.

ICMRના વૈજ્ઞાનિકોએ તૈયાર કરી કિટ:
આ ટેસ્ટ કીટ ICMR ના રિજનલ મેડિકલ રિસર્ચ સેન્ટર ફોર નોર્થ ઈસ્ટ રિજન (ICMR) ના વૈજ્ઞાનિકોની ટીમ દ્વારા તૈયાર કરવામાં આવી છે. આની મદદથી, રિયલ-ટાઇમ ઓમિક્રોન વેરિઅન્ટ્સ શોધી શકાય છે. વૈજ્ઞાનિક ડો.વિશ્વજ્યોતિ બોરકાકોટીના નેતૃત્વમાં ટીમે આ કીટ તૈયાર કરી છે.

ICMR-RMRC, દિબ્રુગઢે ઓમિક્રોન વેરિઅન્ટ શોધવા માટે હાઇડ્રોલિસિસ પ્રોબ-આધારિત રીઅલ-ટાઇમ RT-PCR ટેસ્ટ વિકસાવ્યો છે. તેનાથી માત્ર બે કલાકમાં જ ખબર પડી જશે કે સંબંધિત દર્દીને ઓમિક્રોન ઈન્ફેક્શન છે કે નહીં. આ કીટનું ઉત્પાદન કોલકાતા સ્થિત કંપની GCC બાયોટેક દ્વારા જાહેર-ખાનગી ભાગીદારી (PPP) મોડલ પર કરવામાં આવી રહ્યું છે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.