May 02, 2024
ભારતના ડ્રગ કંટ્રોલર જનરલ(Drug Controller General of India) DCGI એ ભારત બાયોટેકના કોવેક્સિન (Covexin)ને 6 થી 12 વર્ષની વયના બાળકો માટે કટોકટીના ઉપયોગ માટે મંજૂરી આપી છે. આ સિવાય Zydus Cadilaની Zycov D રસી પણ 12 વર્ષથી વધુ ઉંમરના બાળકો માટે ઈમરજન્સી ઉપયોગ માટે મંજૂર કરવામાં આવી છે.
ડ્રગ કંટ્રોલર જનરલ ઓફ ઈન્ડિયા (DCGI)ની વિષય નિષ્ણાત સમિતિ (SEC)ની બેઠક બાદ આ નિર્ણય લેવામાં આવ્યો છે, જેમાં ભારત બાયોટેકની કોવેક્સિનને 2-12 વર્ષની વય જૂથના બાળકોને આપવા માટે ડેટા માંગવામાં આવ્યો હતો.
હવે બાળકોને ત્રણ રસી અપાશે:
હાલમાં, Corbevax રસી 12-14 વર્ષની વયના બાળકોને આપવામાં આવે છે. 15-17 વર્ષના બાળકોને કોવેક્સિનનો ડોઝ આપવામાં આવે છે. આજે મળેલી મંજૂરી બાદ દેશમાં 6 થી 12 વર્ષ અને તેથી વધુ વયના બાળકોને કુલ 3 કોરોના રસી આપવામાં આવશે.
Corbevax મંજૂરીની રાહ જુએ છે:
DCGIની સબ્જેક્ટ એક્સપર્ટ કમિટી (SEC)એ તાજેતરમાં 5 થી 11 વર્ષની વયના બાળકો પર Corbevax રસીના કટોકટીના ઉપયોગની ભલામણ કરી હતી. ગયા ગુરુવારે આ મુદ્દે પેનલે બેઠક યોજી હતી. Corbevax એ હૈદરાબાદ સ્થિત કંપની બાયોલોજિકલ E દ્વારા સ્વદેશી રીતે વિકસિત RBD પ્રોટીન સબ-યુનિટ રસી છે.
Trending News
12 થી 17 વર્ષની વયજૂથના કુલ 12.66 કરોડ બાળકોને રસી આપવામાં આવી હતી:
દેશમાં બાળકો માટે કોરોના રસી 3 જાન્યુઆરીથી શરૂ કરવામાં આવી હતી. શરૂઆતમાં, Covaxin માત્ર 15 થી 17 વર્ષની વયના બાળકોને આપવામાં આવતી હતી. બાદમાં 16 માર્ચે 12 વર્ષથી વધુ ઉંમરના બાળકો માટે રસીકરણ શરૂ કરવામાં આવ્યું હતું.
આરોગ્ય મંત્રાલયના જણાવ્યા અનુસાર, 12-14 વર્ષની વય જૂથના બાળકો માટે કોરોના રસીકરણ 16 માર્ચ 2022 ના રોજ શરૂ કરવામાં આવ્યું હતું. અત્યાર સુધીમાં તેને 2.7 કરોડ (પહેલો ડોઝ) અને 37 લાખ (બીજો ડોઝ) આપવામાં આવ્યો છે. તે જ સમયે, 15-18 વર્ષની વય જૂથના બાળકોને 5.82 કરોડ પ્રથમ ડોઝ અને 4.15 કરોડ બીજા ડોઝ આપવામાં આવ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
