November 24, 2024
ફરી એકવાર કોરોના(Corona) વાયરસના સંક્રમણમાં મોટો વધારો થયો છે. છેલ્લા 24 કલાકમાં 20139 નવા કેસ સામે આવ્યા છે. જ્યારે આ દરમિયાન 38 દર્દીઓના મોત થયા છે. બુધવારની તુલનામાં, એક દિવસમાં નવા દર્દીઓની સંખ્યામાં લગભગ 20 ટકાનો વધારો થયો છે. એટલું જ નહીં દેશમાં લગભગ 145 દિવસ પછી રોજના 20 હજારથી વધુ કેસ નોંધાયા છે. હવે દેશભરમાં એક્ટીવ દર્દીઓ(Corona active case)ની સંખ્યા 1 લાખ 36 હજારને વટાવી ગઈ છે. જ્યારે પોઝીટીવીટી દર વધીને 5.1% થઈ ગયો છે.આરોગ્ય મંત્રાલયના તાજેતરના આંકડા અનુસાર, છેલ્લા 24 કલાક દરમિયાન 16,482 દર્દીઓ કોરોનાથી સાજા થયા છે.
ગુરુવારે સવારે 8 વાગ્યે કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા આંકડા અનુસાર, દેશમાં ચેપના કારણે વધુ 38 લોકોના મોત બાદ, મૃત્યુઆંક વધીને 5,25,557 થઈ ગયો છે. દેશમાં કોવિડ-19ની સારવાર હેઠળ દર્દીઓની સંખ્યા વધીને 1,36,076 થઈ ગઈ છે, જે કુલ કેસના 0.31 ટકા છે. છેલ્લા 24 કલાકમાં એક્ટીવ દર્દીઓની સંખ્યામાં 3,619 નો વધારો થયો છે. દર્દીઓના સાજા થવાનો રાષ્ટ્રીય દર 98.49 ટકા છે.
છત્તીસગઢમાં નથી અટકી રહ્યો કોરોના:
છત્તીસગઢમાં છેલ્લા 24 કલાકમાં કોરોના વાયરસના ચેપના 386 નવા કેસ સામે આવ્યા છે. આ સાથે રાજ્યમાં કોવિડ-19થી પ્રભાવિત લોકોની કુલ સંખ્યા બુધવાર સુધીમાં વધીને 11,57,290 થઈ ગઈ છે. બુધવારે રાજ્યમાં કોરોના વાયરસથી સંક્રમિત કોઈ દર્દીનું મૃત્યુ નોંધાયું ન હતું.
Trending News
દિલ્હીની હાલત:
રાષ્ટ્રીય રાજધાની દિલ્હીમાં એક દિવસમાં કોરોના વાયરસના ચેપના 490 નવા કેસ નોંધાયા છે. જ્યારે ત્રણ દર્દીઓના ચેપને કારણે મોત થયા હતા. ચેપ દર 3.16 ટકા નોંધાયો હતો. નવા કેસ આવ્યા પછી, રાષ્ટ્રીય રાજધાનીમાં ચેપના કેસ વધીને 19,41,905 થઈ ગયા, જ્યારે મૃત્યુઆંક વધીને 26,288 થઈ ગયો. એક દિવસ પહેલા, 15,495 નમૂનાઓનું પરીક્ષણ કરવામાં આવ્યું હતું, જેમાં આ નવા કેસ નોંધાયા હતા.
ઓડિશાના ભયાનક આંકડા:
બુધવારે ઓડિશામાં કોરોના વાયરસના ચેપના 743 નવા કેસના આગમન સાથે, કોવિડ -19 રોગચાળાના કેસોની સંખ્યા વધીને 12,95,328 થઈ ગઈ છે. લગભગ પાંચ મહિનામાં ચેપના આ સૌથી વધુ કેસો છે. ચેપ દર 3.48 ટકાથી વધીને 4.03 ટકા થયો છે. સંક્રમિતોમાં 87 બાળકો પણ છે. ખુર્દા જિલ્લામાં ચેપના 303 કેસ નોંધાયા હતા, ત્યારબાદ કટકમાં 115 કેસ નોંધાયા હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.