રાજ્યમાં હાર્ટ એટેકની ઘટનાઓ વચ્ચે તૈયાર થઇ ભવિષ્ય ભાખતી સિસ્ટમ, આ શહેરમાં મુકાયું CPET મશીન

રાજકોટ (Rajkot):  ગુજરાત (Gujarat) રાજ્ય સહિત સમગ્ર દેશ અને દુનિયામાં હાર્ટએટેક (Heart attack) ને કારણે અનેક લોકોના મોતના અહેવાલોમાં સતત વધારો થઇ રહ્યો છે. જેમાં ક્રિકેટ પ્લેયરોથી માંડીને અનેક સ્ટાર્સ અને આમ જનતાના કિસ્સાઓ સામે આવી રહ્યા છે. જો આવી સ્થિતમાં હાર્ટએટેકની ખબર અગાઉથી જ પડી જાય તો જીવ બચાવી શકાય છે.

આ સંદર્ભે રાજકોટ AIIMS માંથી એક ખુબજ મોટા સમાચાર સામે આવ્યા છે. ગુજરાત રાજ્યમાં આવેલા રાજકોટ શહેરમાં AIIMS હાર્ટ એટેકનું ભવિષ્ય ભાખતું એક CPET મશીન મુકવામાં આવ્યું છે. અનુમાન છે કે, હાર્ટએટેકની ઘટનાઓમાં થતા વધારામાં આ મશીન આવનારા સમયમાં ખુબ જ લાભકારી સાબિત થઈ શકે છે.

આ આધુનિક મશીન સૌરાષ્ટ્રમાં પ્રથમ વખત મુકાયું છે. આ મશીનમાં ટ્રાયલના ભાગરૂપે એક 23 વર્ષીય યુવાનનો ટેસ્ટ કરવામાં આવ્યો હતો. હવે CPET મશીનમાં ફેંફસા અને હૃદયના ટેસ્ટ બાદ અમુક નિદાન થતા નથી તે હવે થશે.આ ટેસ્ટથી યુવા વયે છુપા રોગની માહિતી સરળતાથી મળી શકશે.