April 07, 2025
IPL 2025 PBKS: શનિવારે IPL 2025 માં ડબલ હેડરની પહેલી મેચમાં, દિલ્હી કેપિટલ્સે ચેન્નાઈ સુપર કિંગ્સને 25 રનથી હરાવ્યું. આ મેચનો હીરો કેએલ રાહુલ (IPL 2025 PBKS) હતો, જેણે 51 બોલમાં 77 રન બનાવ્યા હતા. બીજી મેચમાં, રાજસ્થાન રોયલ્સે પંજાબ કિંગ્સને 50 રનથી હરાવ્યું, જેમાં જોફ્રા આર્ચરે 3 વિકેટ લીધી અને શ્રેષ્ઠ ખેલાડીનો એવોર્ડ જીત્યો. આ બંને મેચમાં યજમાન ટીમનો પરાજય થયો હતો. દિલ્હી કેપિટલ્સ હવે પોઈન્ટ ટેબલમાં ટોચ પર આવી ગયું છે.
દિલ્હી કેપિટલ્સે પ્રથમ બેટિંગ કરતા 183 રન બનાવ્યા
ચેપોક ખાતે રમાયેલી મેચમાં દિલ્હી કેપિટલ્સે પ્રથમ બેટિંગ કરતા 183 રન બનાવ્યા હતા. ટીમ તરફથી કેએલ રાહુલે સૌથી વધુ 71 રનની ઇનિંગ રમી. લક્ષ્યનો પીછો કરતી વખતે, ચેન્નાઈ સુપર કિંગ્સે 74 રનના સ્કોર પર 5 વિકેટ ગુમાવી દીધી હતી. જ્યારે ધોની ક્રીઝ પર આવ્યો ત્યારે CSK ને 56 બોલમાં 110 રનની જરૂર હતી. વિજય શંકરે 54 બોલમાં 69 રન બનાવ્યા, એમએસ ધોનીએ 30 રન બનાવ્યા પરંતુ આ માટે 26 બોલ રમ્યા. CSK લક્ષ્યથી 26 રન ઓછા પડી ગયું.
રાજસ્થાન રોયલ્સે 50 રનથી મેચ જીતી લીધી
બીજી મેચમાં, રાજસ્થાન રોયલ્સે પ્રથમ બેટિંગ કરતા 205 રન બનાવ્યા. મુલ્લાનપુર ક્રિકેટ સ્ટેડિયમમાં આ સૌથી વધુ IPL સ્કોર હતો. યશસ્વી જયસ્વાલે 67 અને રિયાન પરાગે અણનમ 43 રન બનાવ્યા હતા. લક્ષ્યનો પીછો કરતા, પંજાબ કિંગ્સે પહેલી જ ઓવરમાં તેમની 2 વિકેટ (પ્રિયંસ આર્ય અને શ્રેયસ ઐયર) ગુમાવી દીધી, તેઓ જોફ્રા આર્ચર દ્વારા આઉટ થયા. નેહલ વાઢેરાએ સૌથી વધુ 62 રન બનાવ્યા, પરંતુ તે પૂરતા ન હતા. પંજાબ કિંગ્સ ફક્ત 155 રન બનાવી શક્યું અને રાજસ્થાન રોયલ્સે 50 રનથી મેચ જીતી લીધી. આ સિઝનમાં પંજાબ કિંગ્સનો આ પહેલો પરાજય છે.
દિલ્હી કેપિટલ્સ પોઈન્ટ ટેબલમાં ટોચ પર પહોંચી ગયું
આ જીત સાથે, દિલ્હી કેપિટલ્સ પોઈન્ટ ટેબલમાં ટોચના સ્થાને પહોંચી ગયું છે. તેઓએ ત્રણેય મેચ જીતી છે, 6 પોઈન્ટ અને સારો નેટ રન રેટ (+1.257) સાથે. તે જ સમયે, પંજાબ કિંગ્સે નંબર 1નો તાજ ગુમાવ્યો છે, ટીમ પ્રથમથી ચોથા સ્થાને આવી ગઈ છે. આ સિઝનમાં તેની પહેલી હાર છે. હાલમાં ટીમના 4 પોઈન્ટ છે અને તેનો નેટ રન રેટ +0.074 છે.
Trending News
Convincing outing 👏
🔙 to 🔙 wins ✌Rajasthan Royals spoil #PBKS‘ homecoming with a strong 5️⃣0️⃣-run victory 🩷
Updates ▶ https://t.co/kjdEJyebLM#TATAIPL | #PBKSvRR | @rajasthanroyals pic.twitter.com/LqAYRNEpC3
— IndianPremierLeague (@IPL) April 5, 2025
CSK ની હાલત ખરાબ, RR ને ફાયદો થયો
રાજસ્થાન રોયલ્સે જીત મેળવીને પોઈન્ટ ટેબલમાં ઉપર કૂદકો માર્યો છે. ટીમ 9મા સ્થાનેથી 7મા સ્થાને પહોંચી ગઈ છે. આ તેની 4 મેચમાં બીજી જીત છે. જ્યારે ચેન્નાઈ સુપર કિંગ્સ 8મા સ્થાનેથી 9મા સ્થાને સરકી ગયું છે. આ CSKનો 4માંથી ત્રીજો પરાજય છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App