November 24, 2024
અમેરિકા(America): ન્યુ જર્સી(New Jersey)માંથી એક ચોંકાવનારો વીડિયો(Shocking video) સામે આવ્યો છે. અહીં એક બિલ્ડીંગમાં આગ(Fire) લાગ્યા બાદ એક પિતાએ પોતાના બાળકને બિલ્ડિંગના બીજા માળેથી નીચે ફેંકવાની ફરજ પડી હતી. બાદમાં પોતે પણ બારીમાંથી કૂદી ગયો હતો. અહેવાલોમાં દાવો કરવામાં આવ્યો છે કે સાઉથ રિજ વૂડ એપાર્ટમેન્ટ કોમ્પ્લેક્સના બીજા અને ત્રીજા માળે 7 માર્ચની સવારે આગ લાગી હતી. આ સમગ્ર ઘટના કેમેરામાં કેદ થઈ ગઈ હતી, જેની ક્લિપ હવે સોશિયલ મીડિયા પર જંગલની આગની જેમ ફેલાઈ ગઈ છે.
ક્લિપ બોડી કેમેરાથી શૂટ કરવામાં આવી હતી, જે બચાવ અધિકારીએ પહેરી હતી. ‘ફોક્સ ન્યૂઝ’ના અહેવાલ મુજબ, એક અધિકારીએ વ્યક્તિને બાળકને નીચે ફેંકી દેવા કહ્યું હતું. પહેલા તો પિતા આ કરવા માટે રાજી ન થયા, પરંતુ આગની જ્વાળાઓ ઝડપથી વધી રહી જોઈને પિતાએ જીવ બચાવવા બાળકને બિલ્ડિંગ પરથી નીચે ફેંકી દીધો. જોકે, નીચે હાજર ફાયર ફાઈટરોએ બાળકને સુરક્ષિત રીતે પકડી લીધો હતો. થોડીવાર પછી તે પિતાને પકડવામાં પણ સફળ રહ્યો. પુરુષ અને બાળકને માત્ર સામાન્ય ઈજાઓ થઈ હતી.
Rescue captured on officers’ body worn camera. Dad throws child out 2nd floor window to officers and firefighters, then jumps to escape flames consuming apartment building. pic.twitter.com/Ku5jQ6sOUy
— So Brunswick PD (@SoBrunswickPD) March 7, 2022
Trending News
ઇન્ટરનેટ પર વિડિયો વાયરલ
આ વીડિયો 8 માર્ચે ટ્વિટર હેન્ડલ @SoBrunswickPD પરથી શેર કરવામાં આવ્યો હતો. તેણે કેપ્શનમાં લખ્યું- આ રેસ્ક્યુ ઓપરેશન ઓફિસરના બોડી કેમેરામાં કેદ થયું છે. પિતાએ બાળકને બીજા માળેથી અધિકારીઓ અને અગ્નિશામકો તરફ ફેંકી દીધો. બાદમાં, તે પોતે જ આગની જ્વાળાઓથી બચવા માટે એપાર્ટમેન્ટની બહાર કૂદી ગયો હતો.
આ રીતે થયો બંનેનો બચાવ
આ ક્લિપને અત્યાર સુધીમાં 7 હજારથી વધુ વખત જોવામાં આવી છે, જ્યારે 225 લાઈક્સ મળી છે. આ સિવાય ઘણા યુઝર્સે આ અંગે કોમેન્ટ પણ કરી છે. મોટાભાગના યુઝર્સે બાળક અને પિતાને સુરક્ષિત રીતે પકડીને તેમનો જીવ બચાવવા માટે અધિકારીઓ અને અગ્નિશામકોનો આભાર માન્યો, જ્યારે કેટલાકે લખ્યું કે તેઓ જ સાચા હીરો છે!
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.