November 24, 2024
ઓસ્ટ્રેલિયન વિકેટકીપર બેટ્સમેન બેન ડંક ગંભીર રીતે ઘાયલ થયો છે. પાકિસ્તાન સુપર લીગ પહેલા પ્રેક્ટિસ દરમિયાન બોલ તેના ચહેરા પર વાગ્યો હતો. જેને લીધે બેન ડંકના હોઠ પર સાત ટાંકા આવ્યા છે. તે પીએસએલમાં લાહોર કલંદરની ટીમનો ભાગ છે. અબુધાબીમાં કેચ-ટેકિંગ પ્રેક્ટિસ દરમિયાન તેને ઈજા થઈ હતી. આ પછી તે થોડા સમય માટે ક્રિકેટ રમી શકશે નહીં.
ઈજા બાદ હોઠને સરખા કરવા માટે 34 વર્ષીય વયે ઓપરેશન પણ કરાવવું પડ્યું હતું. પીએસએલ 9 જૂનથી શરૂ થવાની છે. આવી સ્થિતિમાં, બેન ડંકની ઈજા એ લાહોર કલંદરો માટે મોટો આંચકો છે. અત્યારે આ ટીમ ચારમાંથી ત્રણ મેચ જીત્યા બાદ પોઇન્ટ ટેબલમાં ત્રીજા નંબરે છે. પીએસએલની શરૂઆત માર્ચમાં જ થઈ હતી. પરંતુ કોરોનાના વધી રહેલા સંક્રમણને કારણે ટૂર્નામેન્ટ બંધ કરવી પડી હતી. હવે તેનો બાકીનો ભાગ યુએઈમાં બનાવવામાં આવી રહ્યો છે.
કલન્દાર્સના સીઈઓ સમિન રાણાએ બેન ડંકની ઈજા વિશે માહિતી આપતા કહ્યું હતું કે તે સ્વસ્થ થઈ રહ્યો છે અને અપેક્ષા રાખવી જોઇએ કે 9 જૂને ઇસ્લામાબાદ યુનાઇટેડ સામેની મેચ પહેલા તે સંપૂર્ણ રીતે ફીટ અને રમવા માટે તૈયાર હશે. બેન ડંક આ સિઝનમાં કલન્દાર્સની ટીમની સારી રમતમાં મહત્વપૂર્ણ રહ્યો. તેણે પહેલા હાફમાં 40 ની સરેરાશથી 80 રન બનાવ્યા. આ દરમિયાન ડંકે કરાચી કિંગ્સ સામે અણનમ 57 રનની ઇનિંગ્સ પણ રમી હતી.
Trending News
મોસમની શરૂઆતમાં લાહોર કલન્દાર્સની હાલત ખરાબ હતી. પરંતુ આ વખતે ટીમની રમત ખુબ જ સારી રહી છે. ટીમમાં શાહીન આફ્રિદી, ફખર ઝમન, મોહમ્મદ હાફીઝ અને હરીસ રૌફ જેવા પાકિસ્તાની ખેલાડીઓ તેમજ રાશિદ ખાન, ડેવિડ વેઇઝ અને સમિત પટેલ જેવા વિદેશી સ્ટાર્સ પણ શામેલ છે.
બેન ડંક ઓસ્ટ્રેલિયા તરફથી પાંચ ટી -20 મેચ રમ્યો છે. જેમાં તેમણે 99 રન બનાવ્યા. તેણે નવેમ્બર 2014 માં પ્રથમ વખત ઓસ્ટ્રેલિયા ટીમમાં પ્રવેશ કર્યો હતો. ત્યારબાદ ફેબ્રુઆરી 2017 માં તે છેલ્લી વખત આંતરરાષ્ટ્રીય ક્રિકેટમાં રમ્યો હતો. લેફ્ટ બેટ્સમેન બેન ડંકએ અત્યાર સુધીમાં 157 ટી-20 મેચ રમી છે. આમાં તેણે 24.99 ની સરેરાશથી 3374 રન બનાવ્યા છે. 99 નોટ આઉટ તેનો સર્વોચ્ચ સ્કોર રહ્યો છે. આ ફોર્મેટમાં તેના નામે 18 અર્ધસદી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.