તમે પણ ડાર્ક સર્કલની સમસ્યાથી છુટકારો મેળવવા માંગો છો? આજથી જ ખાવાનું શરુ કરી દો આ 5 ફળ અને શાકભાજી

Dark Circles Under The Eyes: ત્વચા ગમે તેટલી સુંદર હોય, પરંતુ જો આંખોની નીચે ડાર્ક સર્કલ હોય તો આખો લુક બગડી જાય છે. મેકઅપ વડે તેને અમુક અંશે છુપાવી શકાય છે, પરંતુ મેકઅપ એ કાયમી ઉકેલ નથી. આજકાલ ઘણા લોકો આંખોની નીચે ડાર્ક સર્કલ(Dark Circles Under The Eyes)ની સમસ્યાથી ઝઝૂમી રહ્યા છે. ખાસ કરીને ઊંઘ ન આવવી, સતત થાક લાગવો અને પૌષ્ટિક ખોરાક ન મળવાને કારણે આ સમસ્યા સામાન્ય છે. ચાલો જાણીએ કે તમે તમારી વ્યસ્ત લાઈફમાં કેવી રીતે તમારી જાતને સુંદર બનાવી શકો છો અને આંખોની નીચેના ડાર્ક સર્કલથી કેવી રીતે છુટકારો મેળવી શકો છો.

ડાર્ક સર્કલ્સના કારણે
ઊંઘનો અભાવ
માનસિક તણાવ
શરીરમાં પોષક તત્વોનો અભાવ
કમ્પ્યુટર પર લાંબા સમય સુધી કામ કરવું

તરબૂચ
તરબૂચ એક એવું ફળ છે જે લગભગ બધાને ખાવાનું પસંદ હોય છે, જેને ડાયટમાં સામેલ કરીને ડાર્ક સર્કલથી છુટકારો મેળવી શકાય છે. તરબૂચમાં વિટામિન સી, વિટામિન બી1, બી6, પોટેશિયમ અને મેગ્નેશિયમ જેવા ગુણો જોવા મળે છે. તેનું સેવન કરવાથી આંખોની નીચેના ડાર્ક સર્કલ ઓછા થઈ શકે છે.

ટામેટા
તમે દરરોજ 1 થી 2 ટામેટાંનું સેવન કરી શકો છો. ટામેટાંમાં લાઈકોપીન, વિટામીન સી અને બીટા કેરોટીન જેવા પોષક તત્વો મળી આવે છે. આને તમારા આહારમાં સામેલ કરીને તમે ડાર્ક સર્કલની સમસ્યાને દૂર કરી શકો છો.

કાકડી
કાકડીને આંખો પર રાખવાથી ડાર્ક સર્કલ દૂર થઈ જાય છે, પરંતુ જો તમે તેને તમારા આહારમાં સામેલ કરશો તો તમને તેનો ફાયદો પણ મળશે. શરીરને હાઇડ્રેટ રાખવાની સાથે તે ડાર્ક સર્કલને દૂર કરવામાં પણ મદદરૂપ છે.

બ્લુબેરી
તમે તમારા આહારમાં બ્લૂબેરીનો સમાવેશ કરી શકો છો. તેને વિટામિન સી, ઓમેગા-3, વિટામિન કે અને મેંગેનીઝનો સારો સ્ત્રોત માનવામાં આવે છે. આ ડાર્ક સર્કલ ઘટાડવામાં મદદરૂપ થઈ શકે છે.

લીલા શાકભાજી
લીલા શાકભાજી સ્વાસ્થ્ય માટે ખૂબ જ ફાયદાકારક છે, આ સાથે તે ડાર્ક સર્કલ દૂર કરવામાં પણ અસરકારક છે.

• ગુગલ ન્યુઝમાં Trishul News Gujarati ની અપડેટ મેળવવા ક્લિક કરો:  Trishul News Gujarati 
• નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
• અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
• વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
• યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube