જનતા રાજ સંગઠન બનાવી લોકોના પ્રશ્ને લડતા મયુર જોષીનું અવસાન ‘ઓમ શાંતિ’

ગુજરાત(Gujarat): રાજ્યની જનતા માટે એક દુ:ખદ અને મોટા સમાચાર સામે આવી રહ્યા છે. જનતા રાજ સંગઠનના ગુજરાત પ્રદેશ અધ્યક્ષ મયુરભાઈ જોષી(Mayur Joshi)એ આ દુનિયાને અલવિદા કહી દીધું છે. મળતી માહિતી મુજબ, મયુરભાઈ જોષીની તબિયત ખરાબ થતાં વડોદરા ખાતે ગ્લોબલ હોસ્પિટલમાં દાખલ કરવામાં આવ્યા હતા. પરંતુ તેમની સારવાર સતત ચાલુ હતી અને સારવાર દરમિયાન હાર્ટ એટેક આવતા હોસ્પીટલમાં જ અંતિમ શ્વાસ લીધા હતા.

1.આ લોકોની આટલી હિંમત વધે છે કેમની?? 2/4 ગુનેગારોને જાહેર મા ફાસી આપો તો જ પાછા પડશે આ લોકો..

મયુરભાઈ જોષીએ MJ TV નામના ફેસબુક પેજ દ્વારા લોકોના પ્રશ્નો અને મુશ્કેલીઓને દેખાડીને સરકારી તંત્ર પાસે કામ કઢાવવાની અનોખી રીત શોધી કાઢી હતી. તેમની આ રીતને કારણે તેમના ફોલોઅર્સની સંખ્યા થોડાક જ સમયમાં હજારોમાં પહોંચી ગઈ હતી. જેથી તેઓએ તમામ શહેરોમાં આ પ્રકારે સરકારી તંત્ર પાસેથી કામ કઢાવવા જનતા રાજ નામના સંગઠનની રચના કરી હતી અને સતત લોકોના સ્થાનિક પ્રશ્નોનું નિરાકરણ આવે તે અંગેની કામગીરી કરી રહ્યા હતા. સતત લોકોને પડી રહેલી મુશ્કેલીઓ અને હાલાકીને સોશિયલ મીડિયાના માધ્યમથી અવાજ ઉઠાવતા હતા અને સરકારી તંત્રમાં રહેલા આળસુ અધિકારીઓ અને કર્મચારીઓને સબક શીખવાડતા હતા.