November 24, 2024
હરિયાણા(Haryana): હિસાર જિલ્લામાં(Hisar district) એક વાંદરાને બચાવવા જતા અકસ્માતમાં(Accident) બે મિત્રોના મોત થયા છે. હાંસીની દયાલ સિંહ કોલોની(Dayal Singh Colony) પાસે મંગળવારે મોડી સાંજે આ અકસ્માત થયો હતો. આ દરમિયાન કાર બેકાબૂ થઈને ઝાડ સાથે અથડાઈ હતી. બંને મૃતકો ચણૌટ ગામના રહેવાસી હતા.
અકસ્માતમાં કારના ફુરચા ઉડી ગયા હતા. માહિતી મળતાં જ પોલીસ ઘટનાસ્થળે પહોંચી હતી અને બંને યુવકોને કારના દરવાજા અને આગળનો કાચ તોડીને બહાર કાઢ્યા હતા. યુવકોને સારવાર માટે સરકારી હોસ્પિટલમાં લાવવામાં આવ્યા હતા, જ્યાં ડોક્ટરોએ તેમને મૃત જાહેર કર્યા હતા. બંનેનું પોસ્ટમોર્ટમ બુધવારે હાંસીની સરકારી હોસ્પિટલમાં કરવામાં આવ્યું.
મળતી માહિતી મુજબ, ચણૌટ ગામના રહેવાસી પ્રદીપે થોડા દિવસો પહેલા ચરખી દાદરીથી નવી કાર ખરીદી હતી. પ્રદીપ અને તેનો મિત્ર નરેન્દ્ર મંગળવારે સવારે કાર ની નંબરપલેટ નખાવવા માટે ચરખી દાદરી ગયા હતા. જ્યાંથી સાંજે ઘરે પરત ફરતી વખતે દયાલ સિંહ કોલોની પાસે અચાનક એક વાંદરો કારની સામે આવી ગયો.
Trending News
વાંદરાને બચાવવાના પ્રયાસમાં કાર કાબૂ બહાર જતી રહી અને બેકાબૂ કાર પલટી ખાઈને રોડની બાજુના ઝાડ સાથે અથડાઈ હતી અને કારને ભારે નુકસાન થયું હતું. આજુબાજુના લોકોએ અકસ્માત જોતાં જ તાત્કાલિક ઘટનાસ્થળે દોડી આવ્યા હતા અને કારની બારીના કાચ તોડી ઇજાગ્રસ્તોને બહાર કાઢ્યા હતા. બંને ઘાયલોને હાંસીની હોસ્પિટલમાં લઈ જવામાં આવ્યા હતા જ્યાં તેમને મૃત જાહેર કરવામાં આવ્યા હતા.
મૃતક પ્રદીપ (39)ના પરિવારમાં તેના માતા-પિતા અને એક નાનો ભાઈ છે. પ્રદીપના પિતા ઘણા મહિનાઓથી બીમાર હતા અને તેઓ ઘરે તેમની સંભાળ રાખતા હતા. તે જ સમયે, મૃતક નરેન્દ્ર (35)ને બે બાળકો છે. છોકરો 4 વર્ષનો છે અને છોકરી 2 વર્ષની છે. નરેન્દ્ર તેમના પરિવારનું ધ્યાન રાખતો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.