ગુજરાત ભાજપના ચાલુ સાંસદ જોડાઇ શકે છે કોંગ્રેસમાં, જાણો નારાજગીનું કારણ

ફતેપરાએ વધુમાં જણાવ્યું હતું કે, ધનજીભાઇ પટેલે આ બધું ગોઠવ્યું છે. પૈસાના જોરે ગોઠવવામાં આવ્યું છે. જેમાં જયંતી કવાડિયા પણ સામેલ છે. આગામી દિવસોમાં મારે શું કરવું તે મારો સમાજ કહેશે તેમ કરીશ. બળવો કરવો કે કોંગ્રેસમાં જવું તે આગામી બે દિવસોમાં સમાજને મળી સમાજ કહેશે તેમ કરીશ. સમાજ કહેશે તો રાજીનામું આપી દઇશ.

દેવજી ફતેપરાએ આપેલા એક નિવેદનમાં જણાવ્યું હતું કે, અમારા સુરેન્દ્રનગરમાં ધનજી પટેલ એક મોટા માણસ છે, હું તો નાનો માણસ છું. ધનજી પટેલે તેના ભાણેજને બિઝનેસ કરવા માટે મને મળેલો દિલ્હીનો બંગલો માંગ્યો હતો. જે મેં આપવાની ના પાડતાં તેમણે અને જયંતી કાવડીયાએ પૈસાના જોરે મારી વિરૂદ્ધ કાવતરૂ રચી મારી ટિકિટ કપાવી છે.

વાત વાતમાં સમાજના આગેવાનોને મળીને સમાજ મને જે કહેશે તે હું કરીશ. જો સમાજ મને ફરીથી કોંગ્રેસ માં પ્રવેશ કરવાનું કહેશે તો હું કોંગ્રેસમાં પ્રવેશ પણ કરી લઈશ. સાથે સાથે ભાજપમાં જૂથવાદ ચાલે છે તેવો આક્ષેપ પણ કરવાનું દેવજી ફતેપરા ચૂક્યા નહીં. દેવજી ફતેપરા પોતાની ટિકિટ કપાયા બાદ હાઇ કમાન્ડ સમક્ષ પોતાની વાત નહીં કરે તેવી કેફિયત પણ બતાવી હતી. જેને જોઈને શક્યતાઓ રહેલી છે કે દેવજી ફતેપરા કોંગ્રેસમાં પ્રવેશ કરી લેશે.