November 24, 2024
Dhuleshwar Mandir: અઢળક સંપતિઓ મંદિરોનાં નામે છે. લોકો મંદિરોમાં સોના,ચાંદી,રૂપિયા વગેરે ચડાવવામાં આવે છે. પરંતુ તમને જાણીને નવાઇ થશે કે,જૂનાગઢમાં કેશોદથી 13 કિલોમીટર દૂર ઈસરા ગામ ધૂળેશ્વર મંદિર આવેલું છે. અહીં ધુળેટીના દિવસે આજુબાજુના 50થી વધુ ગામના લોકો અહીં માનતા(Dhuleshwar Mandir) લઈને આવે છે. અહીં ધૂળ અને મીઠું ચડાવવામાં આવે છે.
અહીં ઇ.સ.1600 આસપાસ મંદિરની સ્થાપના થઇ હોવાનું માનવામાં આવે છે. વંથલીનાં દેવાયત પંડિત ગાયો ચરાવવા આવતા હતા.ત્યારે એક ગાય રોજ રાફળા પર દુધની ધારા કરતી હતી. એક દિવસ આ જગ્યાએ તપાસ કરતા અંદરી શીવ લીંગ નિકળ્યુ હતુ.બાદ તેની દેવાયત પંડિતે સ્થાપના કરી છે.તેમજ આ વિસ્તારમાં ચારણો ટીંબો હોવાનુ પણ માનવામાં આવે છે.
ધૂળ અને મીઠું ચડાવાય છે
ધુળેટીનાં દિવસે ઇસરા ગામમાં મેળો ભરાય છે. અહીં ધૂળ ચડાવવામાં આવે છે. આ જગ્યાએ પહેલા માટીનો રાફળો હતો. લોકો ધૂળ ચડાવતા મોટો ઢગલો થઇ ગયો છે. અહીં ધૂળ ચડાવવાની અનેરી પરંપરા છે.તેમજ જો કોઇ વ્યકિતનાં હાથ -પગનો દુ:ખાવો હોય અને ધૂળેશ્વરની માનતા રાખવામાં આવે તો તેના હાથ-પગ સાજા થઇ જાય છે. બાદ અહીં લોકો શ્રધ્ધા સાથે માનેલ કોઇ પણ માનોકામનાં અહી પૂર્ણ કરવા ધૂળ ચડાવવા આવે છે.
Trending News
મનોરંજન માટે અહીં ઘોડા સહિતની રેસ
અહીં લોકોના મનોરંજન માટે ઘોડા, ઊંટ સહિતના પ્રાણીઓની રેસ યોજાય છે.આ રેસમાં કોઇને વિજેતા જાહેર કરવામાં આવતા નથી. માત્ર મનોરંજન માટે રેસ યોજાય છે.તેમજ ધુળેટી દરમિયાન અહીં મેળો યોજાય છે. આ મેળામાં દૂર દૂરથી લોકો આવે છે અને અહીંયા માનવ મહેરામણ ઉમટી પડે છે. અહીં લોકો દિકરા માટે માનતા રાખે છે અને જો દિકરાનો જન્મ થાય, તો લોકો અહીં સવા મણ ઘૂઘરી લઈને આવે છે.
શ્રીફળ અને ખીર ચડે છે
સામાન્ય રીતે શંકર ભગવાનનાં મંદિરમાં શ્રીફળ વધેરવામાં આવતુ નથી. તેમજ ખીર ચડાવવામાં આવતી નથી. પરંતુ એક માત્ર ધૂળેશ્વર મહાદેવને શ્રીફળ વધેરવામાં આવે છે.અને ખીર પણ ચડાવાવમાં આવે છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App