પર્વતમાંથી હીરા મળવાના સમાચાર સાંભળીને ગ્રામજનોએ રાત-દિવસ મહેનત કરીને ખોદી નાંખ્યો આખો પર્વત, પરંતુ નીકળી એવી વસ્તુ કે…

પૂર્વ દક્ષિણ આફ્રિકાના ક્વાઝુલુ-નાતાલની એક ટેકરી પર મળી ચળકતી ધાતુને લોકો કિંમતી હીરા તરીકે ધ્યાનમાં લેતા હતા, પરંતુ હકીકતમાં એક ચળકતો પથ્થર નીકળ્યો છે. શરૂઆતની તપાસમાં બહાર આવ્યું છે કે, આ પત્થરો ક્વાર્ટઝ ક્રિસ્ટલ છે.

ડેઇલીમેલના અહેવાલ મુજબ, પર્વત પર એક પશુ ચરાવતા ચળકતો પથ્થર મળ્યો, જેને તે હીરા માનતો હતો. આ પછી લોકો હીરા શોધવા પર્વત પર પહોંચ્યા અને ખોદવાનું શરૂ કર્યું. હીરા મળવાના સમાચાર સાંભળીને લોકો હીરા મળે તેવી આશાએ દૂર-દૂરથી પહોંચવા લાગ્યા અને પર્વત પર ખોદવાનું શરૂ કર્યું.

જો કે, પ્રારંભિક તપાસમાં એવું જાણવા મળ્યું છે કે, ટેકરી પર મળી આવેલી ચળકતી ધાતુ ફક્ત એક ચમકતો પથ્થર છે, જેનું મૂલ્ય હીરા કરતા ખૂબ ઓછું છે. પહાડ પર લોકોના એકઠા થયા પછી, સરકારે ભૂ-વૈજ્ઞાનિક અને ખાણકામ નિષ્ણાતોને નમૂનાઓ એકત્રિત કરવા મોકલ્યા. ત્યારબાદ તપાસમાં જાણવા મળ્યું છે કે, શોધાયેલા પત્થરો હીરા નથી.