સાઉદી અરબે ભારતીય શ્રમિકોને આપી એક અદ્ભુત ‘દિવાળી ભેટ’ – એવી વસ્તુ ભેટમાં આપી છે કે…

સાઉદી અરબ દેશે શ્રમિકોના ભલા માટે એક નવું પગલું ભરતા ‘વિવાદાસ્પદ કફાલા સિસ્ટમ’ નો અંત લાવ્યો છે. માનવ સંસાધન અને સામાજિક વિકાસ મંત્રાલયે બુધવારે આ નિર્ણય અંગે જાહેરાત કરી દીધી છે. આ નવી વ્યવસ્થા માર્ચ 2021 થી અમલમાં મુકવામાં આવશે.

હવેથી સાઉદી અરબમાં કામ કરનારા ‘મજદુર કરાર’ નાબુદ કરીને તેમને નોકરી બદલવાની મંજૂરી આપી છે. હવેથી આ મજ્દુરોને મજબૂરી અને ગુલામીમાં ઓછા પગાર હેઠળ કામ કરવું નહીં પડે. મંત્રાલય દ્વારા જણાવાયુ છે કે, સરકાર તમામ પ્રતિબંધો હટાવવા જઈ રહી છે, કે જેના કારણે પ્રવાસી શ્રમિકોને ઓછો પગાર હોવા છતાં પણ પોતાના માલિકો સાથે કરાર હોવાથી ત્યાં બંધાઈ રહેવું પડે છે.

આ નવો શ્રમ સુધાર કાયદો માર્ચ 2021 માં લાગુ થઈ જશે. અહિયાં જણાવવાનું કે, સાઉદી અરબમાં ખુબ જ મોટી સંખ્યામાં ભારતીય કામદારો કામ કરી રહ્યા છે. ખબર તેમના માટે ‘દિવાળી ભેટ’થી કોઈ ઓછી નથી. ઉપમંત્રી અબ્દુલ્લા બિન નાસિર અબુથુનેને કહ્યું હતું કે, ‘અમે આકર્ષક શ્રમ બજાર બનાવવા અને વધુ સારા કામકાજી વાતાવરણને બનાવવાની દિશામાં એક પગલું ઉઠાવવામાં આવ્યું છે.

નવા શ્રમ સુધાર કાયદો લાગુ થયા પછી વિદેશી શ્રમિકોને નોકરી બદલવા અને માલિકોની મંજૂરી લેવાની જરૂર નથી. અને મંજુરી વિના જ દેશ છોડવાનો અધિકાર રહેશે.’ સાથે સાથે જણાવવાનું કે, આ વર્ષે G20 સમૂહની અધ્યક્ષતા કરનાર સાઉદી અરબ એ તેલ પર નિર્ભર અર્થવ્યવસ્થામાં વિવિધતા લાવવા માટે ઘણી યોજનાઓ પર કામ કરી રહ્યું છે.