‘ડોલી ચાયવાલા’ બની ગયો માઈક્રોસોફ્ટ વિન્ડોઝ 12નો બ્રાન્ડ એમ્બેસેડર, જાણો ખરેખર સાચી છે આ ખબર?

Dolly Chaywala: સોશિયલ મીડિયા પર કેટલીક પોસ્ટ વાયરલ થઈ રહી છે. એવો દાવો કરવામાં આવ્યો છે કે વિશ્વની સૌથી મૂલ્યવાન કંપની માઇક્રોસોફ્ટે તેની આગામી ઓપરેટિંગ સિસ્ટમ વિન્ડોઝ 12 માટે ડોલી ચાયવાલાને પોતાની બ્રાન્ડ એમ્બેસેડર બનાવી છે.માઈક્રોસોફ્ટના સહ-સ્થાપક અને વિશ્વના પાંચમા સૌથી ધનિક વ્યક્તિ બિલ ગેટ્સ ગયા મહિને અનંત અંબાણી અને રાધિકા મર્ચન્ટના પ્રી-વેડિંગ સેલિબ્રેશન માટે ભારત આવ્યા હતા. આ દરમિયાન તેમણે ડોલી ચાયવાલાની ટપરીની પણ મુલાકાત લીધી હતી. ડોલી ચાયવાલાની ટપરી પર ચા પીતા બિલ ગેટ્સનો વીડિયો લોકોને પસંદ આવ્યો હતો. ‘ડોલી ચાયવાલા’(Dolly Chaywala), જે સ્વેગ સાથે ચા વેચે છે, ત્યારથી તેણે ગેટ્સને ચા પીરસી ત્યારથી ઇન્ટરનેટ પર સનસનાટી બની ગઈ છે. ચા વેચવાની પોતાની ખાસ શૈલી માટે પ્રખ્યાત ‘ડોલી ચાયવાલા’ રાતોરાત સ્ટાર બની ગયો હતો.જે બાદ ડોલી ચાયવાલાને Windows 12ની બ્રાન્ડ એમ્બેસેડર બનાવવાની અફવા ઈન્સ્ટાગ્રામ પર The Bindu Times નામના પેરોડી એકાઉન્ટ દ્વારા કરવામાં આવેલી પોસ્ટથી શરૂ થઈ. આ પોસ્ટમાં સ્પષ્ટપણે લખવામાં આવ્યું હતું કે આ કન્ટેન્ટ માત્ર મનોરંજન માટે મૂકવામાં આવ્યું હતું પરંતુ ઈન્સ્ટાગ્રામ યુઝર્સે તેને તરત જ લઈ લીધું.

શું દાવો કરવામાં આવ્યો હતો?
ડોલી ચાયવાલાને બ્રાન્ડ એમ્બેસેડર બનાવવાની ચર્ચા ધ બિંદુ ટાઇમ્સ નામના ઇન્સ્ટાગ્રામ એકાઉન્ટથી શરૂ થઈ હતી. ઈન્સ્ટા પર આ એક પેરોડી એકાઉન્ટ છે અને તેની પોસ્ટમાં લખ્યું છે કે આ કન્ટેન્ટ માત્ર મનોરંજન માટે પોસ્ટ કરવામાં આવ્યું છે. પરંતુ ઇન્સ્ટા યુઝર્સને તે ખૂબ પસંદ આવ્યું અને લોકોએ તેને ખૂબ શેર કર્યું. માઇક્રોસોફ્ટ દ્વારા આવી કોઇ જાહેરાત કરવામાં આવી નથી. પોસ્ટમાં એવું કોઈ સત્ય નથી.

વાસ્તવિકતા શું છે
વિન્ડોઝ 12ની રિલીઝ ડેટ વિશે માઇક્રોસોફ્ટ દ્વારા હજુ સુધી કોઈ માહિતી આપવામાં આવી નથી. તે 2024ના અંતમાં અથવા 2025ની શરૂઆતમાં આવવાની ધારણા છે.કંપની દ્વારા આવી કોઈ માહિતી આપવામાં આવી નથી. આવી વસ્તુઓ વિશેની માહિતી કંપની દ્વારા પ્રેસ નોટ દ્વારા આપવામાં આવે છે. પરંતુ માઈક્રોસોફ્ટ અને બિલ ગેટ્સ દ્વારા આવી કોઈ માહિતી આપવામાં આવી નથી.

કોણ છે ડોલી ચાયવાલા?
મહારાષ્ટ્રના નાગપુરની વતની ડોલીએ ઈન્સ્ટાગ્રામ પર ભારે ફેન ફોલોઈંગ બનાવ્યું છે. તેના 10000 થી વધુ ક્રેઝી ફોલોઅર્સ છે.તાજેતરમાં, તેણે માઇક્રોસોફ્ટના કો-ફાઉન્ડર બિલ ગેટ્સ સાથે એક વીડિયો શેર કર્યો હતો. આ વીડિયોમાં તે સ્ટાઈલમાં પોતાની સિગ્નેચર ટપરી ચા બનાવતો અને સર્વ કરતો જોવા મળી રહ્યો છે. આ પછી, મોટાભાગના લોકોને ઇન્ટરનેટ પર ડોલી ચાયવાલા વિશે ખબર પડી.