યુરોપના સૌથી મોટા પરમાણુ પ્લાન્ટ પર રશિયન સૈનિકોનો હુમલો- ફાટી નીકળી આગ, વિસ્ફોટ થશે તો…

Russia-Ukraine war: રશિયા-યુક્રેન વચ્ચે ચાલી રહેલ યુદ્ધ અટકવાનું નામ નથી લઈ રહ્યું. રશિયાના રાષ્ટ્રપતિ વ્લાદિમીર પુતિન(Vladimir Putin) અને યુક્રેનના રાષ્ટ્રપતિ ઝેલેન્સકી(Volodymyr Zelenskyy)એ ગુરુવારે વાટાઘાટો કરી પરંતુ કોઈ નિષ્કર્ષ પર પહોંચ્યા. રશિયન સૈન્ય સેંકડો મિસાઇલો અને આર્ટિલરી સાથે સતત હુમલો કરી રહ્યું છે.શુક્રવારની વહેલી સવારે પરમાણુ પાવર પ્લાન્ટ ઝોપોરિઝિયામાં આગ ફાટી નીકળી હતી. પરમાણુ પાવર પ્લાન્ટ(Nuclear power plant)માંથી આગના ગોટેગોટા નીકળી રહ્યા છે.

યુરોપના સૌથી મોટા પરમાણુ પ્લાન્ટના પ્રવક્તાએ કહ્યું કે રશિયાએ યુક્રેનના દક્ષિણી શહેર એનર્હોદરમાં પાવર સ્ટેશન પર હુમલો કર્યા બાદ પ્લાન્ટમાં આગ લાગી હતી. ઇન્ટરનેશનલ એટોમિક એનર્જી એજન્સી (IAEA) એ ગંભીર ખતરાની ચેતવણી આપી હતી અને કહ્યું હતું કે તે યુક્રેનિયન સત્તાવાળાઓના સંપર્કમાં છે. ઇમરજન્સી સેવાઓને ટાંકીને રોઇટર્સના અહેવાલમાં જણાવાયું છે કે યુક્રેનના ચેર્નિહાઇવ વિસ્તારમાં થયેલા હવાઈ હુમલામાં ઓછામાં ઓછા 22 લોકો માર્યા ગયા છે.

યુક્રેનના વિદેશ મંત્રી દિમિત્રો કુલેબાએ કહ્યું છે કે યુરોપના સૌથી મોટા ન્યુક્લિયર પાવર પ્લાન્ટ ઝોપોરિઝિયા એનપીપી પર રશિયન દળો ચારે બાજુથી ગોળીબાર કરી રહ્યા છે. અહીં આગ પહેલેથી જ ફાટી ગઈ છે અને જો તે વિસ્ફોટ થશે, તો ચેર્નોબિલ કરતા 10 ગણો મોટો ખતરો હશે! રશિયનોએ તાત્કાલિક હુમલો બંધ કરવો જોઈએ.

આગ બુઝાવવા માટે યુદ્ધ રોકવું ખુબ જ જરૂરી:
પ્લાન્ટના પ્રવક્તા એન્ડ્રે તુઝે યુક્રેનિયન ટેલિવિઝનને જણાવ્યું હતું કે આગ ઓલવવા માટે લડાઈ જરૂરી છે. એનર્હોદર એ ડિનીપર નદી પર આવેલું એક શહેર છે, જે દેશના વીજ ઉત્પાદનમાં ચોથા ભાગનો હિસ્સો ધરાવે છે. રશિયન સેના યુક્રેનિયન શહેર પર કબજો મેળવવા માટે લડી રહી છે. Enerhodar યુરોપમાં સૌથી મોટા ન્યુક્લિયર પાવર પ્લાન્ટનું ઘર છે.