November 03, 2024
આદિપુરુષ (Adipurush) ફિલ્મનું ટ્રેલર 2 ઓક્ટોબરે લોન્ચ કરવામાં આવ્યું હતું. આ ફિલ્મનું ટીઝર લોન્ચ થયા બાદ તે વિવાદોમાં ફસાઈ ગયું છે. લોકોએ ફિલ્મમાં VFXનો ઘણો વિરોધ કર્યો છે. 2 ઓક્ટોબરથી આ ફિલ્મ વિશે સતત અલગ-અલગ પ્રતિક્રિયાઓ આવી રહી છે. મોટાભાગના લોકોએ ફિલ્મમાં રાવણના લુક અને VFXની ટીકા કરવાનું શરૂ કરી દીધું છે.
ફિલ્મ સ્ટાર્સ સહિત ઘણા રાજનેતાઓએ પણ VFX પર વાંધો ઉઠાવ્યો છે. આવી સ્થિતિમાં એવી અટકળો લગાવવામાં આવી રહી હતી કે ફિલ્મમાં VFX બદલવામાં આવી શકે છે. પરંતુ હવે એ સ્પષ્ટ થઈ ગયું છે કે ફિલ્મના VFXમાં કોઈ ફેરફાર કરવામાં આવશે નહીં.
VFX બદલાશે નહીં
મીડિયા રિપોર્ટ્સ અનુસાર, ફિલ્મના VFX બદલવાનો કોઈ નિર્ણય લેવામાં આવ્યો નથી. ફિલ્મનું પોસ્ટ પ્રોડક્શન ચાલી રહ્યું છે. શૂટિંગ લગભગ પૂરું થઈ ગયું છે. આ ફિલ્મ આવતા વર્ષે 12 જાન્યુઆરીએ રિલીઝ થવાની છે. આ અંગેની તૈયારીઓ પૂરજોશમાં ચાલી રહી છે. ટીઝર રિલીઝ થયા બાદથી આ ફિલ્મ સતત હેડલાઈન્સમાં રહી છે. મધ્યપ્રદેશના ગૃહમંત્રી નરોત્તમ મિશ્રા સહિત અનેક નેતાઓએ આ અંગે વાંધો ઉઠાવ્યો છે. તે જ સમયે, રામાનંદ સાગરકૃતમાં મુખ્ય ભૂમિકા ભજવનારા કલાકારોએ પણ આ ટીઝરની ટીકા કરી છે.
Trending News
ચાહકોના નિશાના પર ટીઝર
તમને જણાવી દઈએ કે ટીઝર રિલીઝ થયા બાદથી જ સોશિયલ મીડિયા પર હંગામો મચી ગયો છે. ચાહકો રાવણના લુક અને VFXની સતત ટીકા કરી રહ્યા છે. સોશિયલ મીડિયા પર સૈફ અલી ખાનના લુકને લઈને ચાહકોએ તેની સરખામણી મુઘલ આક્રમણખોરો સાથે પણ કરી છે. લોકો કહે છે કે રાવણ પંડિત અને જ્ઞાની હતો. પરંતુ સૈફ અલી ખાનનો લુક ઔરંગઝેબ જેવો બનાવવામાં આવ્યો છે. આ સાથે લોકોએ રાવણની હેરસ્ટાઈલને લઈને પણ વિવાદ ઊભો કર્યો છે.
ડિરેક્ટર ઓમ રાઉતનું નિવેદન પણ આવ્યું
ફિલ્મ આદિપુરુષના નિર્દેશક ઓમ રાઉતનું નિવેદન પણ સામે આવ્યું છે. ઓમ રાઉતે કહ્યું કે ટીઝર પછી લોકોની પ્રતિક્રિયા જોઈને તે ચોક્કસપણે નિરાશ છે. તે જ સમયે, રાઉતે ટીઝરનો બચાવ કરતા કહ્યું કે YouTube પર VFX સારી રીતે દેખાયો નહોતો. પરંતુ સ્ક્રીન પર એક અલગ પ્રતિક્રિયા જોવા મળશે. યુટ્યુબ પર ટીઝર રિલીઝ કરવું જરૂરી હતું. જેથી કરીને ટીઝરને વધુ લોકો સુધી પહોંચાડી શકાય. આ ફિલ્મ તેના છેલ્લા તબક્કામાં છે. તે આવતા વર્ષે 12 જાન્યુઆરીએ રિલીઝ થશે. આ એક મોટા બજેટની ફિલ્મ છે. આ સાથે દર્શકોને પણ આ ફિલ્મ વિશે ઘણી અપેક્ષાઓ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.