ગજબની ચોરી હો પણ… 58 ફૂટ લાંબા પુલની ચોરી કરીને ચોરો લઇ ગયા ઘરે- અધિકારીઓ પણ ચોકી ગયા

દુનિયામાં કેટલાક ચોર એટલા હોશિયાર હોય છે, જેની ચર્ચા લાંબા સમય સુધી થાય છે. હકીકતમાં, ઘણા લોકો એવી રીતે ચોરી કરે છે કે લોકો તેના વિશે સાંભળીને દંગ રહી જાય છે. આ દિવસોમાં ફરી ચોરોએ એવી ચોરીને અંજામ આપ્યો, જેને સાંભળીને બધા ચોંકી જશે. હકીકતમાં અમેરિકાના ઓહીયોમાં ચોરોએ 58 ફૂટ લાંબા પુલની ચોરી કરી હતી. એક માહિતી અનુસાર, આ ઘટના આજથી એક મહિના પહેલાની જણાવવામાં આવી રહી છે.

હવે આ ચોરીમાં સંડોવાયેલા આરોપીઓને પકડવા માટે પોલીસે તસવીર શેર કરીને લોકો પાસેથી મદદ માંગી છે. પોલીસે લોકોને મદદ માટે અપીલ કરી અને કહ્યું કે જો તેમની પાસે આ ચોરી સંબંધિત કોઈ માહિતી હોય તો તે શેર કરો. આ કેસની તપાસ સાથે સંકળાયેલા અધિકારીઓએ કહ્યું કે તેણે અત્યાર સુધીની કારકિર્દીમાં આવી ચોરી ક્યારેય જોઈ નથી. આ કિસ્સો ચોક્કસપણે અનોખો છે કારણ કે અત્યાર સુધી ભાગ્યે જ કોઈએ આટલી મોટી વસ્તુની ચોરી કરી હશે.

ચોરોએ ચોરી કરેલા પુલની લંબાઈ 58 ફૂટ જણાવવામાં આવી રહી છે. આ પુલ પૂર્વ એક્રોનમાં એક કેનાલ પાસેના ખેતરમાં મૂકવામાં આવ્યો હતો. પરંતુ 3 નવેમ્બરે સ્થાનિક લોકોએ જોયું કે ત્યાંથી પુલ ગાયબ છે.એક અઠવાડિયા પછી ખબર પડી કે કોઈ આખો બ્રિજ ચોરીને ભાગી ગયો. આ પુલને રિપેરિંગ માટે કેનાલમાંથી કાઢીને અન્ય જગ્યાએ જમીનમાં રાખવામાં આવ્યો હતો. પરંતુ કોણે વિચાર્યું હશે કે પુલની ચોરી થશે.

એન્જિનિયરિંગ વિભાગ દ્વારા બ્રિજની કિંમત રૂ. 30 લાખથી વધુ થવાનો અંદાજ હતો. 10 ફૂટ પહોળો, 6 ફૂટ ઊંચો અને 58 ફૂટ લાંબો હોવાથી આ બ્રિજ ચોરાઈ જતાં લોકો આશ્ચર્ય વ્યક્ત કરી રહ્યાં છે. આવી સ્થિતિમાં, દરેક વ્યક્તિ વિચારી રહ્યું છે કે પુલની ચોરી કેવી રીતે થઈ, કારણ કે આટલા મોટા પુલને લઇ ચોર કેવી રીતે ગાયબ થઈ શકે છે. જો કે પોલીસનું અનુમાન છે કે આ પુલ પર અગાઉ પણ જુદા જુદા ભાગોમાં ચોરી થઈ હશે.