May 12, 2024
આગના કારણે અત્યાર સુધીમાં સેકંડો લોકોના મોત થયા છે. ત્યારે આવી જ એક ધ્રુજાવી દેતી ઘટના પ્રકાસમાં આવી છે, જેમાં આખેઆખો પરિવાર આગની જ્વાળામાં સમાઈ ગયો છે. મિત્રો હરિયાણાના પાણીપત (Panipat, Haryana) માં રાધા ફેક્ટરી પાસે ગુરુવારે સવારે એક મોટો અકસ્માત થયો હતો. અહીં એક ઘરમાં ગેસ સિલિન્ડર લીક થયું હતું. જેના કારણે આખું ઘર આગની લપેટમાં આવી ગયું હતું. તે સમયે પતિ-પત્ની અને 4 બાળકો ઘરની અંદર પલંગ પર સૂતા હતા.
આગ એટલી ઝડપથી ફેલાઈ હતી કે પલંગ પરસુતેલા તમામ લોકો કંકાલ બની ગયા હતા. તેમને અંદરથી બહાર નીકળવાની કે કોઈને બોલાવવાની પણ તક પણ મળી ન હતી. અકસ્માતની જાણ થતાં જ ત્યાં અફરાતફરી મચી ગઈ હતી. પાડોશીઓ ત્યાં પહોંચ્યા ત્યાં સુધીમાં બધું ખાખ થઈ ગયું હતું. પોલીસ ઘટનાસ્થળે પહોંચીને સમગ્ર ઘટનાની તપાસ કરી રહી છે.
Trending News
પ્રારંભિક તપાસ બાદ એસપી શશાંક કુમાર સાવને કહ્યું કે અકસ્માત સિલિન્ડર ફાટવાને કારણે થયો નથી પરંતુ લીકેજને કારણે થયો છે. પોલીસ આ સમગ્ર મામલે તપાસ કરી રહી છે. ફોરેન્સિક ટીમોને સ્થળ પર બોલાવવામાં આવી છે.
મૃતકોમાં પતિ-પત્ની અને 4 બાળકોનો સમાવેશ થાય છે. બાળકોમાં 2 છોકરીઓ અને 2 છોકરાઓ છે. મૃતકોની ઓળખ અબ્દુલ કરીમ (50), તેની પત્ની અફરોઝા (46), મોટી પુત્રી ઈશરત ખાતુન (17-18), રેશ્મા (16), અબ્દુલ શકૂર (10) અને અફાન (7) તરીકે થઈ છે. તે પશ્ચિમ બંગાળના ઉત્તર દિનાજપુરનો રહેવાસી હતો. હાલ પરિવાર બધવા રામ કોલોની, કેસી ચોક, ગલી નંબર 4માં રહેતો હતો.
અકસ્માતની તપાસ શરૂ કરી
અકસ્માતની જાણ થતાં સ્થાનિક લોકોના ટોળેટોળા ઘટનાસ્થળે ઉમટી પડ્યા હતા. તે જ સમયે, અકસ્માતની જાણ થતાં, પોલીસ, ફાયર બ્રિગેડ સહિતની તમામ ટીમો ઘટના સ્થળે પહોંચી ગઈ હતી. આ દરમિયાન જોયું કે બધા જીવતા બળીને કંકાલ બની ગયા હતા. પોલીસે સમગ્ર વિસ્તારને સીલ કરી દીધો છે. કોઈને પણ ઘરની અંદર જવાની પરવાનગી નથી. આ સમગ્ર અકસ્માતની તપાસ કરવામાં આવી રહી છે કે તેમાંથી કોઈ કેમ બચી શક્યું નથી. જ્યારે તે તમામ સંપૂર્ણપણે જીવતા બળીને ભડથું થયા હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.
