November 24, 2024
લખીમપુર ખેરી હિંસામાં ખેડૂતોના મોતનો મામલો(Lakhimpur Kheri Case) ગરમાઈ રહ્યો છે. ખેડૂત સંગઠનોના નેતાઓએ લખીમપુર ખેરી કેસમાં આગળની રણનીતિ અંગે પત્રકાર પરિષદ યોજી હતી. સંયુક્ત કિસાન મોરચા(Sanyukt Kisan Morcha)એ કેન્દ્રીય ગૃહ રાજ્યમંત્રી અજય મિશ્રા (Ashish Mishra) અને તેમના પુત્ર આશિષ મિશ્રાની ધરપકડ કરવાની માંગ કરી છે. તેમજ અજય મિશ્રાને કેબિનેટમાંથી હટાવવાની માંગ કરી હતી. સંયુક્ત કિસાન મોરચાએ જણાવ્યું હતું કે, 12 ઓક્ટોબરે દેશભરમાંથી ખેડૂતો લખીમપુર ખેરી પહોંચશે. આ સાથે ખેડૂતો લખનૌમાં મહાપંચાયત(Mahapanchayat) પણ કરશે.
યોગેન્દ્ર યાદવે જણાવ્યું હતું કે, પ્રથમ કાર્યક્રમ અંતર્ગત 12 મીએ શહીદ થયેલા ખેડૂતો અને પત્રકારો માટે, અમે લખીમપુરના ટિકોનિયા ખાતે છેલ્લી પ્રાર્થના કરીશું 12 મીએ દેશભરના ખેડૂતો લખીમપુર પહોંચશે. લખીમપુરની ઘટના જલિયાંવાલા બાગથી ઓછી નથી. અમે દેશના તમામ નાગરિક સંગઠનોને વિનંતી કરીએ છીએ કે, તેઓ તેમના શહેરોમાં કેન્ડલ માર્ચ કાઢે. અમે સમગ્ર દેશના નાગરિકોને તેમના ઘરે રાત્રે 8 વાગ્યે મીણબત્તી પ્રગટાવવા અપીલ કરીએ છીએ.
યાદવે કહ્યું કે 12 મી તારીખે ખેડૂતોની અસ્થી કળશ યાત્રા યુપીમાં લખીમપુરથી જ શરૂ થશે. ખેડૂતોની અસ્થી સાથે ખેડૂતો દરેક રાજ્યમાં જશે અને વિસર્જન કરવામાં આવશે. દશેરા 15 ઓક્ટોબરે છે, તમામ ખેડૂતો વડાપ્રધાન મોદી અને અમિત શાહના પૂતળા દહન કરશે. 18 ના રોજ ટ્રેનને રોકવામાં આવશે. 26 મીએ લખનઉમાં મોટી મહાપંચાયત થશે.
Trending News
ખેડૂત નેતા ડો દર્શનપાલે શનિવારે જણાવ્યું હતું કે, આ ઘટનામાં ખેડૂતો શહીદ થયા છે અને કિસાન મોરચા અંત સુધી લડશે. તેમણે ગૃહ રાજ્યમંત્રી પર આરોપ લગાવ્યો અને કહ્યું કે તેમણે (અજય મિશ્રા) આતંકનું વાતાવરણ ઉભું કરવાનો પ્રયાસ કર્યો હતો. લખીમપુરમાં પંજાબી ખેડૂતો સંકટમાં છે.
ખેડૂત નેતાએ કહ્યું કે, 25 સપ્ટેમ્બરે અજય મિશ્રાએ લખીમપુરમાં ભાષણ આપ્યું હતું. અજય મિશ્રાએ ખેડૂતો વિશે ઘણું કહ્યું. અજય મિશ્રાએ કહ્યું કે, તે લોકોને યુપીમાંથી બહાર ફેંકી દેશે અને પછી 3 જી તારીખે અજય મિશ્રાએ તે કાવતરું કર્યું. અજય મિશ્રાના પુત્રએ ખેડૂતો પર થાર જીપ વડે હુમલો કર્યો હતો. અજય મિશ્રાએ આતંકનું વાતાવરણ ઉભું કરવાનો પ્રયાસ કર્યો.
આ સાથે જ ખેડૂત નેતા જોગીન્દર ઉગ્રહને કહ્યું કે, અમારું આંદોલન સંપૂર્ણપણે શાંતિપૂર્ણ રીતે ચાલી રહ્યું છે. અમને ખાલિસ્તાની કહેવાયા. આતંકવાદી તરીકે ઓળખાતા હતા, પરંતુ 3 મહિનાથી ભાજપ સરકાર હિંસા પર ઉતરી છે. ખટ્ટરનું નિવેદન સાંભળો, કૃણાલમાં ખેડૂતોને માર માર્યો, પરંતુ અમે બિલકુલ હિંસા નહીં કરીએ. અમે સહન કરીશું અને લડતા રહીશું.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.