January 31, 2025
Gondal Accident: રાજકોટ ગોંડલ હાઇવે પર અકસ્માતનો બનાવ બન્યો છે. ખાનગી બસ અને ટ્રક વચ્ચે થયેલા અકસ્માતમાં એક મહિલાનું મોત નીપજ્યું છે. જ્યારે આઠ લોકોને (Gondal Accident) ઇજા પહોંચી છે. ઇજાગ્રસ્તોને સારવાર અર્થે ખસેડવામાં આવ્યા છે. બનાવની જાણ થતાં પોલીસ પહોંચી હતી. અકસ્માતના પગલે ટ્રાફિક જામના દૃશ્યો સર્જાયા હતા.
બપોરના સમયે ખાનગી બસ અને ટ્રક વચ્ચે અકસ્માત
બનાવની પ્રાપ્ત પ્રાથમિક વિગત અનુસાર, રાજકોટ ગોંડલ હાઇવે પર ગોંડલ નજીક આવેલી શક્તિમાન કંપની પાસે આજે બપોરના સમયે ખાનગી બસ અને ટ્રક વચ્ચે અકસ્માત થયો હતો. અકસ્માત થયો હોવાની જાણ થતાં આસપાસના સ્થાનિકો દોડી આવ્યા હતા. ઇજાગ્રસ્તોને ઇમરજન્સી દરવાજો ખોલીને બહાર કાઢવામાં આવ્યા હતા. બનાવ અંગે પોલીસને જાણ કરવામાં આવી હતી. અકસ્માતના પગલે ટ્રાફિક જામ થઇ ગયું હતું.
એક મહિલાનું મોત
અકસ્માતની આ ઘટનામાં એક મહિલાનું મોત નીપજ્યું હતું. સ્થળ પર પહોંચેલી પોલીસે મહિલાના મૃતદેહને પીએમ અર્થે ગોંડલ સિવિલ હોસ્પિટલ ખાતે ખસેડવાની કામગીરી હાથ ધરી હતી.
Trending News
અકસ્માતમાં નાની મોટી ઇજા પામેલા 8 લોકોને સારાવર અર્થે ગોંડલની સિવિલ અને ખાનગી હોસ્પિટલ તેમજ રાજકોટ સિવિલ ખાતે ખસેડવામાં આવ્યા હતા. અકસ્માતના પગલે હાઇવે પર લાંબો ટ્રાફિક જામ સર્જાયો હતો. જેને પૂર્વવત કરવાની કામગીરી પોલીસ દ્વારા કરવામાં આવી હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો:
- Trishul News Gujarati iPhone App