દિવાલ પર સુસાઈડ નોટ લખીને યુવતીએ ફાંસી લગાવીને ટુંકાવ્યું જીવન: કહ્યું: “મમ્મી-પપ્પા તમારું ધ્યાન રાખજો, LOVE U”

હરિયાણા(Haryana): ફતેહાબાદ(Fatehabad)ની નાહર કોલોનીમાં શુક્રવારે 27 વર્ષની એક યુવતીએ ફાંસી લગાવીને આત્મહત્યા(Suicide) કરી લીધી હતી. મરતા પહેલા, છોકરીએ તેના પરિવારને દિવાલ પર એક ભાવનાત્મક સુસાઈડ નોટ(Suicide note) લખ્યો હતો. તેણીએ તેના મૃત્યુ માટે પોતાને જવાબદાર ગણાવી હતી. આ સાથે યુવતીએ લખ્યું કે, મમ્મી-પપ્પા તમારું ધ્યાન રાખજો, LOVE U, હું ફરીથી આવીશ.” પોલીસે ઘટનાસ્થળે પહોંચી તપાસ શરૂ કરી હતી. સીન ઓફ ક્રાઈમની ટીમ ઘટના સ્થળે પહોંચી હતી.

મળતી માહિતી મુજબ, 25 વર્ષની એક યુવતીએ ફાંસી લગાવીને આત્મહત્યા કરી લીધી છે. સંબંધીઓએ પોલીસને જાણ કરી, જેના પર પોલીસ જ્યારે ઘટનાસ્થળે પહોંચી ત્યારે દિવાલ પર લખેલી સુસાઈડ નોટ મળી આવી. જેમાં તેણે લખ્યું હતું કે ‘મારા મૃત્યુ માટે હું પોતે જ જવાબદાર છું. કોઈનો વાંક નથી.’

MA સુધીનો કર્યો હતો અભ્યાસ
યુવતીએ લખ્યું છે કે, તેણે પોતાની મરજીથી ફાંસી લગાવી છે. દરેકની કાળજી લેજો. મમ્મી-પપ્પા રડશો નહીં, હું ફરી દીકરી બનીને આવીશ. જીવનમાં મારા માટે કંઈ જ નથી બનાવ્યું. લવ યુ! પપ્પા-મમ્મી લવ યુ બધા એકબીજાનું ધ્યાન રાખજો.