લ્યો બોલો! ઈન્ડિગો ફ્લાઈટની સીટ પરથી કુશન કોક ચોરી ગયું, તૂટેલી ખુરશીમાં બેસવા મજબુર થઈ મહિલા પેસેન્જર

Missing Seat Cushion on Indigo Flight: ઈન્ડિગો એરલાઈન્સનું વધુ એક મોટું કારનામું સામે આવ્યું છે. ઇન્ડિગોની ફ્લાઇટમાં મુસાફરી કરવા આવેલી નાગપુરની સાગરિકા પટનાયકને માત્ર અડધી સીટ (ગાદી) ગાયબ જોવા મળી હતી. પેસેન્જરે હંગામો મચાવ્યા બાદ ફ્લાઈટ ક્રૂ મેમ્બર બીજી તકિયો લઈને આવ્યો, ત્યારબાદ તેણે પોતાની યાત્રા પૂરી કરી. મહિલાના પતિ સુબ્રત પટનાયકે એક્સ પોસ્ટ દ્વારા ઈન્ડિગો (Missing Seat Cushion on Indigo Flight) એરલાઈન્સને આ અંગે ફરિયાદ કરી છે.

સુબ્રત પટનાયકે જણાવ્યું કે તેમની પત્ની સાગરિકાએ રવિવારે પુણેથી નાગપુર જવા માટે ઈન્ડિગો ફ્લાઈટ (6E-6798)માં મુસાફરી કરવા માટે ટિકિટ બુક કરાવી હતી. સાગરિકાને એરલાઇન દ્વારા બારી પાસે સીટ નંબર 10A ફાળવવામાં આવ્યો હતો. પરંતુ જ્યારે સાગરિકા ફ્લાઈટમાં પહોંચી તો સીટ પરથી કુશન ગાયબ જોઈને તે ચોંકી ગઈ. સુબ્રત પટનાયકે વધુમાં જણાવ્યું કે સાગરિકાએ આજુબાજુ જોયું પરંતુ ગાદી મળી ન હતી. આ પછી કેબિન ક્રૂને બોલાવીને આ વાત કહેવામાં આવી.

#Indigo !! #Flight 6E 6798 !! Seat no 10A ! Pune to Nagpur!!! Today’s status … Best way to increase profit 😢😢…Pathetic … pic.twitter.com/tcXHOT6Dr5

— Subrat Patnaik (@Subu_0212) November 25, 2023

ઊભા રહેવાની ફરજ પડી
સુબ્રત પટનાયકે જણાવ્યું કે ફ્લાઇટમાં હજુ પણ બોર્ડિંગ ચાલુ હતું અને તેમની પત્નીને પાંખમાં ઊભા રહેવાની ફરજ પડી હતી, જેના કારણે અન્ય મુસાફરો માટે મુશ્કેલી ઊભી થઈ હતી. બાદમાં ક્રૂ મેમ્બરે બીજી સીટ પરથી ગાદી લાવીને મૂકી દીધી. સુબ્રતાએ કહ્યું કે જ્યારે પણ પ્લેન ટેકઓફ કરવા માટે તૈયાર થઈ રહ્યું છે, ત્યારે બોર્ડિંગ કરતા પહેલા સફાઈ ટીમ ચેક કરવા આવે છે. શું તેઓએ ગુમ થયેલ ગાદીની નોંધ લીધી નથી? પહેલા ફ્લાઈટમાં પ્રવેશેલા ક્રૂ મેમ્બરે પણ આ જોયું ન હતું.