April 14, 2025
Surat Fire Incident: સુરત શહેરમાં ફરીથી આગ લાગવાની ઘટના ઘટી છે. શહેરના વેસુ વિસ્તારમાં આવેલા હેપી એન્ક્લેવના સાતમા માળે આગ લાગી છે. આ આગ ત્રણ માળ (Surat Fire Incident) સુધી પ્રસરી જતાં અફરાતફરીનો માહોલ સર્જાયો છે. હાલ ફાયરની ટીમ ઘટનાસ્થળે પહોંચીને આ આગ પર કાબૂ મેળવવાનો પ્રયાસ કરી રહી છે. હવે આ કરોડોના ફ્લેટમાં શું ફાયર સેફ્ટીના સાધનોનો અભાવ હતો કે આગ આટલી બધી પ્રસરી ગઈ એ મોટો સવાલ છે. નોંધનીય છે કે, ગૃહમંત્રી હર્ષ સંઘવીને આ અંગેની જાણ થતાં તાત્કાલિક ત્યાં પહોંચીને લોકોને મદદ કરી હતી.
હેપી એન્ક્લેવના સાતમા માળે આગ લાગી
વેસુ વિસ્તારમાં આવેલા હેપ્પી એન્ક્લેવની નાની આગે વિકરાળ સ્વરૂપ ધારણ કરીને ત્રણ માળ સુધી પ્રસરી ગઈ હતી. સદનસીબે આ આગમાં કોઈ જાનહાની થઈ નથી. હાલ મળતી માહિતી પ્રમાણે, આ ફ્લેટના તમામ લોકો સુરક્ષિત છે. આગ લાગ્યાની જાણ થતા આ ત્રણ માળ પર રહેતા તમામ લોકોને અગાશીમાં લઇ જવામાં આવ્યા હતા. જેના કારણે તેમને ગૂંગળામણ ન થાય કે કોઈ ઇજા ન પહોંચે.
હર્ષ સંઘવી ઘટના સ્થળે પહોંચી તપાસના આદેશ આપ્યા
આ ગોઝારી આગ અંગે સ્થાનિક વ્યક્તિએ વાતચીતમાં જણાવ્યુ છે કે, “મને લાગે છે કે, શોર્ટ સર્કિટથી આગ લાગી હતી. આગ લાગી ત્યારે બધા નીચે ઉતરી ગયા. આપણા ગૃહ રાજ્યમંત્રી હર્ષ સંઘવીએ તાત્કાલિક અહીં આવી ગયા હતા અને તેમણે ફાયરબ્રિગેડને બોલાવીને તાત્કાલિક એક્શન લીધી છે. આ આગમાં ઘરની વસ્તુઓને નુકશાન થયું છે પરંતુ કોઈ વ્યક્તિને નુકશાન નથી થયું. તમામ લોકો સુરક્ષિત નીચે ઉતરી ગયા છે.”
#WATCH | Surat, Gujarat | A fire broke out in a building in Surat’s Vesu area. There is no report of any casualty. Fire tenders are trying to control the fire. Gujarat Home Minister Harsh Sanghavi is present at the spot. pic.twitter.com/ClXDHTwtcY
— ANI (@ANI) April 11, 2025
Trending News
सूरत के वेसु इलाके में एक इमारत में लगी आग
गुजरात के गृह मंत्री हर्ष संघवी मौके पर मौजूद
किसी के हताहत होने की खबर नहीं
दमकल की गाड़ियां आग पर काबू पाने की कर रही कोशिश
| @sanghaviharsh pic.twitter.com/XBeF1jNEgr
— TheRitamApp | द ऋतम् एप (@TheRitamApp) April 11, 2025
સ્ટીમ બાથ ઉપકરણ ચાલુ રહી જતા અચાનક બ્લાસ્ટ
આ અંગે તપાસ કરતા જાણવા મળ્યું છે કે, આઠમા માળે સ્ટીમ બાથ ઉપકરણ ચાલુ રહી જતા અચાનક બ્લાસ્ટ થયો અને ત્યારબાદ આગ ફાટી નીકળી હતી.સ્ટીમ બાથ ઉપકરણમાં આગ લાગી હતી, જ્યારે નવમા માળે ફર્નિચરનું કામ ચાલી રહ્યું હતું. ત્યાં લાકડાં, પીઓપી, પ્લાયવૂડ અને ફાઇબર સામગ્રી મૂકવામાં આવી હતી. જેના કારણે આગે વિકરાળરૂપ ધારણ કરી લીધું હતું.
જાનહાની ટળી
અન્ય એક સ્થાનિક વ્યક્તિએ જણાવ્યું કે, આ ચારેબાજુથી ખુલ્લું બિલ્ડિંગ હોવાને કારણે આ આગ ફટાફટ પ્રસરી હતી. જોકે, હવાની સારી અવરજરના કારણે આગ જલ્દી બુઝાઈ પણ જશે. આટલી મોટી આગમાં કોઈ જાનહાની નથી થઈ તે ખૂબ સારી વાત છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App