CNG પંપ પર ગેસ પુરાવવા આવેલી સ્કૂલ વાનમાં અચાનક આગ લાગતા જુઓ શું થયું

સુરતના જહાંગીરાબાદ-દાંડી રોડ વચ્ચે આવેલા CNG પંપ પર સ્કૂલ વાનમાં વહેલી સવારે ૬.૩૦ વાગ્યે અચાનક આગ લાગતા દોડધામ મચી હતી. આગ લાગતા જ કાર ચાલક કાર છોડીને પંપની બહાર દોડી ગયો હતો. જોકે, પંપના કર્મચારીઓએ તાત્કાલિક ફાયર સેફ્ટીના સાધનોનો ઉપયોગ કરીને આગ પર કાબૂ મેળવી લીધો હતો. કર્મચારીઓની જાગૃતતાના કારણે મોટી દુર્ઘટના ટળી હતી. વહેલી સવારે 6.30 વાગ્યે સ્કૂલ વાનમાં ગેસ ભરવા પિન ખોલતા જ આગ ભભૂકી ઉઠી હતી.

આગના બનાવ અંગે પંપના સુપર વાઈઝરે જણાવ્યું હતું કે, ઘટનાની જાણ ફાયર વિભાગને કરવામાં આવી હતી. ફાયર વિભાગનો કાફલો ઘટના સ્થળે પહોંચી ગયો હતો. પંપ પર આવેલી સ્કૂલ વાનમાં આગ લાગવાના પગલે અવરજવર કરી રહેલા રાહદારીઓ પણ પંપ પાસે પહોંચી ગયા હતા. જોકે, વાનમાં બાળકો ન હોવાથી મોટી જાનહાની થતા બચી ગઈ હતી.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.