જયપુર-મુંબઈ એક્સપ્રેસમાં RPFના જવાને કર્યું અંધાધૂંધ ફાયરિંગ- ASI સહિત 4 લોકો થયા શહીદ

Firing Near Palghar In Jaipur Mumbai Train:એક રેલવે પ્રોટેક્શન ફોર્સ (RPF) કોન્સ્ટેબલે મહારાષ્ટ્રના પાલઘર નજીક સોમવારે સવારે 5 વાગ્યે જયપુર-મુંબઈ સેન્ટ્રલ એક્સપ્રેસ ટ્રેનમાં તેના એસ્કોર્ટ ડ્યુટી આસિસ્ટન્ટ સબ-ઇન્સ્પેક્ટર ટીકા રામ મીના અને અન્ય ત્રણ મુસાફરોને ગોળી મારી દીધી હતી. આરોપી કોન્સ્ટેબલની ઓળખ ચેતન કુમાર ચૌધરી તરીકે થઈ છે. આ કેસમાં આરોપીની પૂછપરછ ચાલી રહી છે. આ સાથે આ કેસમાં સતત ખુલાસાઓ થઈ રહ્યા છે.

પ્રાપ્ત માહિતી અનુસાર, આરોપી ચેતનકુમાર ડ્યુટી પૂરી થયા બાદ સુરતમાં ઉતર્યો હતો. ત્યારબાદ ચાર કલાકના વિરામ બાદ તે ડ્યુટી માટે મુંબઈ-જયપુર એક્સપ્રેસ ટ્રેનમાં ચડ્યો. જ્યારે ટ્રેન પાલઘર સ્ટેશન ક્રોસ કરી રહી હતી ત્યારે કોન્સ્ટેબલ ચેતન કુમારનો ASI ટીકારામ સાથે વિવાદ થયો હતો. બંને વચ્ચે બોલાચાલી પણ થઈ હતી. આ પછી કોન્સ્ટેબલ ચેતન કુમારે ASI ટીકારામ મીણા પર ગોળીબાર કર્યો હતો.

An RPF constable opened fire inside a moving Jaipur Express Train after it crossed Palghar Station. He shot one RPF ASI and three other passengers and jumped out of the train near Dahisar Station. The accused constable has been detained along with his weapon. More details…

— ANI (@ANI) July 31, 2023

ટ્રેનની ચેઈન ખેંચીને કૂદી પડ્યો
આરોપીઓએ વિરારથી મીરા રોડ સ્ટેશન વચ્ચે ટ્રેનમાં ફાયરિંગ કર્યું હતું. ઘટનાને અંજામ આપ્યા બાદ ચેતન કુમારે ભાયંદર અને દહિસર સ્ટેશન વચ્ચે ટ્રેનની ચેઈન ખેંચીને કૂદીને ભાગવાનો પ્રયાસ કર્યો હતો. પરંતુ ભાયંદર આરપીએફએ તેની ધરપકડ કરી હતી. ટ્રેન બોરીવલી પહોંચ્યા પછી, તમામ 4 મૃતદેહોને ઉતારવામાં આવ્યા હતા અને ટ્રેનને મુંબઈ સેન્ટ્રલ મોકલવામાં આવી હતી.