કેનાલમાં તરતી રહી કાર અને કારચાલક જીવ બચાવવા કરતો રહ્યો સંઘર્ષ પંરતુ…

રવિવારે બપોરે રેલવે બ્રિજની આગળ એક નહેરમાં તેજ ગતિએ આવતી કાર પડેલી મળી હતી. સાક્ષીઓએ જણાવ્યું કે, કાર નહેરમાં પડી જતા લગભગ 200 મીટર સુધી તરતી હતી. ડ્રાઈવરે કાચ ખોલીને પોતાને રસ્તા પરથી પસાર થતા લોકોને બચાવવા માટે વિનંતી કરી હતી.

માહિતી મળ્યા બાદ લગભગ અડધો કલાકમાં પોલીસ અને ડાઇવર્સ દ્વારા કાર ચાલકને બહાર કાઢવામાં આવ્યો હતો. પરંતુ ત્યાં સુધીમાં તે મૃત્યુ પામ્યો હતો. તેમને હોસ્પિટલમાં મૃત જાહેર કરવામાં આવ્યો હતો. પોલીસે પંચનામા ભરીને લાશને પોસ્ટમોર્ટમ માટે મોકલી આપી છે.

રાજેન્દ્ર ત્યાગી તેના પુત્રો સચિન ત્યાગી, નીતિન ત્યાગી અને તરુણ ત્યાગી સાથે મોરેટા ગામમાં રહે છે. સૌથી નાનો પુત્ર તરુણ પત્ની લલિતા ત્યાગી, પુત્રી રિદ્ધિ અને ચાર વર્ષના પુત્ર સાથે રાજનગર એક્સ્ટેંશનની વીવીઆઈપી સોસાયટીમાં રહેતો હતો. એવું કહેવામાં આવ્યું હતું કે, રવિવારે બપોરે 1:30 વાગ્યે તરુણ ત્યાગી પોતાની કારમાંથી ગંગહર ટ્રેક પરથી મસૂરી તરફ જઈ રહ્યા હતા.

રેલવે બ્રિજથી લગભગ એક કિમી આગળ તરુણ પહોંચ્યા બાદ કાર ઉછળીને કેનાલમાં પડી ગઈ. જાણવા મળ્યું છે કે, કેનાલમાં પડી ગયેલી કાર લગભગ 200 મીટર સુધી તરતી રહી. આ દરમિયાન બ્રિજ પરથી પસાર થઈ રહેલાં બાઇક સવારને જોતા યુવકે કારનો કાચ ખોલી તેને બચાવવા માટે બુમો પાડી હતી. જોકે, તે ટૂંક સમયમાં ડૂબી ગયો અને મૃત્યુ પામ્યો હતો.