May 10, 2024
Floods in Yamuna river inundated Delhi: દેશની રાજધાની નવી દિલ્હીના કેટલાક વિસ્તારો પૂરની ઝપેટમાં છે.(Floods in Yamuna river inundated Delhi) પૂરનું કારણ યમુનામાં પાણીનું વધતું સ્તર છે. યમુનાનું જળસ્તર 208 મીટરને વટાવી ગયું છે. અગાઉ 1978માં પ્રથમ વખત લોખંડના પુલ પાસે પાણીનું સ્તર 207.49 મીટર નોંધાયું હતું.
જો યમુના નદીમાં પાણીનું સ્તર વધુ વધે તો દિલ્હી માટે મોટું સંકટ આવી શકે છે. યમુનાના પાણીમાં પ્રવેશને કારણે દિલ્હીના 3 વોટર પ્લાન્ટ બંધ કરી દેવામાં આવ્યા છે.
Trending News
દિલ્હીમાં પૂરની સ્થિતિ એવી છે કે પૂરના પાણી VIP વિસ્તારોમાં પણ ઘૂસી ગયા છે. પૂરના પાણી સિવિલ લાઈન્સ વિસ્તારમાં પહોંચી ગયા છે અને મુખ્યમંત્રીનું નિવાસસ્થાન પણ આ વિસ્તારમાં છે. મળતી માહિતી અનુસાર જો યમુનાના જળસ્તરમાં ઝડપથી ઘટાડો નહીં થાય તો આગામી કેટલાક કલાકોમાં પૂરના પાણી સિવિલ લાઈન્સ વિસ્તારમાં સ્થિત મુખ્યમંત્રીના આવાસમાં પ્રવેશી શકે છે.
યમુના કિનારે ઘણા વિસ્તારો ઝડપથી ડૂબી રહ્યા છે. રીંગરોડ સુધી પાણી પહોંચી ગયું છે. કાશ્મીરી ગેટ બસ સ્ટેન્ડ પણ જોખમમાં છે. રાજઘાટ, આઈટીઓ, પુરાણા કિલાના વિસ્તારો જળબંબાકાર બની ગયા છે. લાલ કિલ્લાની પાછળના વિસ્તારમાં પાણી ઘૂસી ગયા છે.
લાલ કિલ્લાની બહાર ઘૂંટણ સુધી પાણી પહોંચી ગયું છે. સિવિલ લાઈન્સ વિસ્તારમાં અધિકારીઓના આવાસમાં પાણી ઘૂસી ગયા છે. આ સિવાય મઠ, યમુના બજાર, યમુના ખાદર, મજનુ કા ટીલા અને યમુના બેંક મેટ્રો સ્ટેશનની બહાર પૂરના પાણી પહોંચી ગયા છે.
વજીરાબાદ વોટર ટ્રીટમેન્ટ પ્લાન્ટમાં પાણી ઘૂસી જતાં પ્લાન્ટને બંધ કરવો પડ્યો હતો. યમુના પૂરને ધ્યાનમાં રાખીને એનડીઆરએફની ટીમો પણ એક્શનમાં છે. પૂરગ્રસ્ત વિસ્તારોમાંથી લોકોને બહાર કાઢવાની કામગીરી ચાલી રહી છે. લોકો ઘર છોડવા મજબૂર બન્યા છે, રસ્તાઓ તરફ પાણી આવવાના કારણે ઘણા રસ્તાઓ બંધ થઈ ગયા છે.
યમુના બેંક મેટ્રો સ્ટેશનની બહાર પાણી ભરાઈ ગયા છે. પ્રવેશ અને બહાર નીકળવાના દરવાજા બંધ કરી દેવામાં આવ્યા છે. જો કે ઇન્ટરચેન્જની સુવિધા હજુ પણ ઉપલબ્ધ છે. બ્લુ લાઇન પર સેવાઓ સામાન્ય રીતે ચાલી રહી છે. મેટ્રોમાં જાહેરાત કરવામાં આવી રહી છે. લક્ષ્મી નગર અથવા અક્ષરધામ મેટ્રો સ્ટેશનથી મુસાફરી કરવાની અપીલ કરવામાં આવી રહી છે.
કાશ્મીરી ગેટની આસપાસ બનેલા વ્યાપારી સંસ્થાઓને પણ રવિવાર સુધી બંધ રાખવા માટે કહેવામાં આવ્યું છે. આ સિવાય ISBT સુધી કોઈ આંતરરાજ્ય બસ આવશે નહીં. સિંઘુ બોર્ડરથી મુસાફરોને ડીટીસી બસોની સેવા પૂરી પાડવામાં આવશે.
યમુનાના પાણીના સ્તરમાં વધારો થવાને કારણે સાવચેતીના ભાગરૂપે નદી પર બનેલા ચારેય મેટ્રો બ્રિજ પરથી ટ્રેનો 30 કિમી પ્રતિ કલાકની ઝડપે પસાર થઈ રહી છે. તમામ રૂટ પર સેવાઓ સામાન્ય છે. આ સિવાય દિલ્હી સ્ટેટ કન્ઝ્યુમર ડિસ્પ્યુટ રિડ્રેસલ ફોરમે ગુરુવારે કામ કરવાનું બંધ કરી દીધું છે.
વર્ષ 1900 પછી દિલ્હીમાં ઘણા મોટા પૂર આવ્યા હતા. 1924, 1947, 1976, 1978, 1988, 1995, 2010, 2013માં દિલ્હીના તમામ વિસ્તારો પૂરના પાણીથી ભરાઈ ગયા હતા. હવે 2023માં યમુનાના જળ સ્તરે 1978નો રેકોર્ડ તોડી નાખ્યો છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
