November 24, 2024
છેલ્લા 48 કલાકથી સૌરાષ્ટ્રવાસી ધારાસભ્યો વિજય રૂપાણી સરકાર સાથે ચર્ચા કરીને સુરત અમદાવાદમાં રહેતા સૌરાષ્ટ્રવાસી રત્નકલાકારોને સૌરાષ્ટ્ર જવા માટેની પરમિશન મળે તે માટે ઝઝૂમી રહ્યા છે. આરોગ્યમંત્રી કુમાર કાનાણી સતત મિટિંગોનો દોર ચલાવી રહ્યા છે. સૌરાષ્ટ્ર જવાની પરમીશન મળે તો પ્રોટોકોલ ના હિસાબે આ જાહેરાત નીતિન પટેલ અથવા કુમાર કાનાણી ને કરવી જોઈતી હતી.
ગઈકાલે સાંજે કાનાણીએ જણાવ્યું હતું કે આજરોજ તેઓની મિટીંગ થવાની છે અને તેમાં નિર્ણય લેવાશે. પરંતુ આ મિટિંગ બાદ કુમાર કાનાણી જાહેરાત કરે તે પહેલાં જ ગણપત વસાવાએ જાહેરાત કરી દીધી છે કે, શરૂઆતમાં માત્ર લક્ઝરી બસને સૌરાષ્ટ્ર જોવા માટેની મંજૂરી આપવામાં આવશે. માત્ર સુરત જ નહીં સમગ્ર ગુજરાતમાંથી આંતર જિલ્લામાં જવા માટે ઓનલાઇન મંજૂરી મળશે.
ગણપત વસાવાએ જાહેરાત કરી છે કે આવતી કાલથી ઓનલાઇન એક જિલ્લામાંથી બીજા જિલ્લામાં જવા માટેની અરજીઓ સ્વીકારવામાં આવશે. એક રીતે જોઈએ તો ગણપત વસાવાએ કુમાર કાનાણીનો પ્રોટોકોલ તોડી જાહેરાત કરીને કેટલીય ચર્ચાઓને પવન આવ્પ્યો છે.
Trending News
મળતી વિગતો અનુસાર સુરતથી સૌરાષ્ટ્રવાસીઓ ખાનગી બસ મારફતે વતન જઈ શકવાની મંજૂરી રાજ્ય સરકારે આપી દીધી છે. જે અંતર્ગત બસ ઓપરેટરે યાત્રિકોને યાદી બનાવી સરકાર પાસેથી મંજૂરી લેવાની રહેશે. દરેક વ્યક્તિનું સ્ક્રીનીંગ કરવામાં આવશે. મંજૂરી મેળવનાર બસ નેશનલ હાઈવે પરથી નહીં પરંતુ ઓલપાડ જંબુસર રોડ પરથી જ જશે. સાથે સાથે જે જિલ્લામાં જવાનું હોય ત્યાંથી મંજૂરી મળે તો જ નાગરિકો લાભ લઇ શકશે અને વતન પહોંચીને ચૌદ દિવસ સુધી રહેવા સાથે કુલ દોઢ મહિના સુધી ત્યાં રહેવું પડશે. આ બાબતે ખાનગી બસ એસોસિયન સાથે સરકાર ની બેઠક બાદ આવતીકાલથી તારીખ 6 મેથી પ્રક્રિયા હાથ ધરવામાં આવશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
https://play.google.com/store/apps/details?id=com.trishul.news