November 04, 2024
સંજય લીલા ભણસાલી (Sanjay Leela Bhansali) ની ફિલ્મ ગંગુબાઈ કાઠિયાવાડી (Gangubai Kathiawadi) આજે રિલીઝ થઈ છે. આલિયા ભટ્ટ (Alia Bhatt) ની આ ફિલ્મ ટ્રેલરથી જ ચર્ચામાં રહી છે. અભિનેત્રીની આ ફિલ્મ ઈન્ડસ્ટ્રીમાં નસીબ બદલવા જેવી સાબિત થઈ શકે છે. કલાકારોની વાત કરીએ તો, સીમા પાહવા, આલિયા ભટ્ટ, અજય દેવગન, હુમા કુરેશી, શાંતનુ મહેશ્વરી, વિજય રાજ સહિતના ઘણા સ્ટાર્સ આ ફિલ્મમાં જોવા મળેલ છે. જેઓ ચાહકોના દિલ જીતવા માટે સ્ક્રીન પર આવી રહ્યા છે.
ફિલ્મને મોટા પડદા પર જોવા માટે દરેક વ્યક્તિ ઉત્સુક થઈ રહ્યા છે. પરંતુ શું તમે જાણો છો કે, ફિલ્મના મુખ્ય પાત્રોએ સંજય લીલા ભણસાલી પાસેથી મોટી રકમ એકઠી કરી છે. બોલિવૂડ લાઈફના અહેવાલ મુજબ, દરેકે આ માટે લાખો અને કરોડોમાં ચાર્જ વસુલ કર્યો છે. અજય દેવગન લાંબા સમય પછી સંજય લીલા ભણસાલી સાથે કામ કરી રહ્યા છે.
Trending News
ફિલ્મમાં અજય દેવગન કૈમિયો રોલ કરી રહ્યો છે. રહીમ લાલાનું પાત્ર ખૂબ જ સારી રીતે ભજવતો જોવા મળશે. તેમજ કહેવામાં આવી રહ્યું છે કે, અજયે માત્ર સ્પેશિયલ અપિયરન્સ માટે 11 કરોડ રૂપિયા ચાર્જ કર્યા છે.
આ ફિલ્મમાં પીઢ અભિનેત્રી સીમા પાહવા સહાયક ભૂમિકા ભજવતી જોવા મળશે. જો રિપોર્ટ્સનું માનીએ તો સીમાએ આ ફિલ્મ માટે તેને માત્ર 20 લાખ રૂપિયા જ ચાર્જ કર્યા છે.
ટીવીના ચોકલેટ બોય તરીકે ઓળખાતા શાંતનુ મહેશ્વરીએ આ ફિલ્મ દ્વારા મોટા પડદે ડેબ્યુ કરવા જઈ રહ્યા છે. તે ગંગુબાઈ સાથે રોમાન્સ કરતો જોવા મળશે. આ ફિલ્મ માટે શાંતનુએ 50 લાખ રૂપિયા ચાર્જ કર્યા છે.
અનુભવી કલાકાર વિજય રાજ આ ફિલ્મમાં ટ્રાન્સજેન્ડરની ભૂમિકામાં જોવા મળશે. વિજય માટે આ રોલ ઈન્ડસ્ટ્રીમાં તેની ઈમેજ બદલવા સમાન સાબિત થઈ શકે છે. વિજયને આ ફિલ્મથી ઘણી આશાઓ છે. પહેલીવાર આ રોલ કરવા માટે ઉત્સાહિત છે. વિજયે આ માટે સંજય પાસેથી 1.5 કરોડ રૂપિયા લીધા છે.
કમાઠીપુરાની રાણી ગંગુબાઈ કાઠિયાવાડીની ભૂમિકા પ્રતિભાશાળી આલિયા ભટ્ટે ભજવી છે. રિપોર્ટ્સ અનુસાર, અભિનેત્રીએ આ માટે 20 કરોડ રૂપિયા ચાર્જ કર્યા છે. આલિયાને આ રોલમાં જોવા માટે ચાહકો ખુબ જ આતુર છે.
‘ગેંગ્સ ઓફ વાસેપુર’ની હિરોઈન હુમા કુરેશી પણ ફિલ્મમાં મહત્વની ભૂમિકામાં જોવા મળશે. તેઓ આ ફિલ્મમાં એક ખાસ દેખાવ દર્શાવે છે. જો રિપોર્ટ્સનું માનીએ તો હુમાએ આ ભાગ માટે માત્ર બે કરોડ રૂપિયા જ લીધા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.