પોલીસમાં નોકરી કરવાની ‘સુવર્ણતક’ -સાડા પાંચ લાખથી વધુ જગ્યાઓ ખાલી, જાણો જલ્દી

મળતી માહિતી અનુસાર રાજ્ય પોલીસ (State Police) દળોમાં પોલીસ કર્મચારીઓની 5.30 લાખથી વધુ જગ્યાઓ ખાલી છે. ગૃહ મંત્રાલયની સંસદીય સ્થાયી સમિતિએ ગુરુવારે સંસદમાં રજૂ કરેલા તેના અહેવાલમાં આ માહિતી આપી છે. આ ખાલી જગ્યાઓ કુલ મંજૂર સંખ્યા કરતા 21 ટકા ઓછી છે.

કોંગ્રેસના નેતા આનંદ શર્માની આગેવાની હેઠળની સમિતિએ જણાવ્યું હતું કે, રાજ્ય પોલીસ દળોમાં 01 જાન્યુઆરી, 2020 ના રોજ રાજ્ય પોલીસ દળોમાં 5,31,737 જગ્યાઓ ખાલી હતી, જ્યારે મંજૂર સંખ્યા 26,23,225 હતી, જે લગભગ 21 ટકાનો ઘટાડો હતો. આમાંની મોટાભાગની જગ્યાઓ કોન્સ્ટેબલ રેન્કની છે.

ખાસ વાત તો એ છે કે, પેનલ અનુસાર, પોલીસ, ડીજીપી, સ્પેશિયલ ડીજી અને એડિશનલ ડીજીપીના ટોચના રેન્ક પર તૈનાત અધિકારીઓની સંખ્યા નિર્ધારિત સંખ્યા કરતા વધુ હતી. દેશમાં મંજૂર થયેલી 117 જગ્યાઓ સામે ડીજીપી અને સ્પેશિયલ ડીજીની પોસ્ટ પર 135 અધિકારીઓ અને મંજૂર 310 જગ્યાઓ પર એડિશનલ ડીજીપીના 364 અધિકારીઓ હતા.

એક રીપોર્ટ અનુસાર જાણવા મળ્યું છે કે, “દેશમાં અપરાધ અને સુરક્ષા પરિદ્રશ્યને ધ્યાનમાં રાખીને આ ઇચ્છનીય આંકડો નથી. સમિતિનું માનવું છે કે, સ્ટાફની અછત પોલીસની કાર્યક્ષમતા પર સીધી અસર કરે છે. પેનલે કહ્યું કે હાલના કર્મચારીઓ પર કામનું ભારણ વધે છે, જે તેમને ઓવરટાઇમ કરવા માટે મજબૂર કરે છે. તેનાથી સ્ટ્રેસ લેવલ વધે છે અને પોલીસની ફરજ બજાવવાની કામગીરી પર પણ તેની અસર દેખાતી જોવા મળે છે.

તેથી, સમિતિએ ભલામણ કરી છે કે મંત્રાલય રાજ્યો અને કેન્દ્રશાસિત પ્રદેશોને પોલીસ ભરતી અભિયાન મિશન મોડમાં હાથ ધરવા અને પોલીસ કર્મચારીઓની ભરતી માટે વહીવટી અવરોધોને સમયબદ્ધ રીતે દૂર કરવા સલાહ આપી શકે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.