લોકડાઉનમાં ગઈ પિતાની નોકરી, આર્થિક સંકટનો સામનો કરી રહ્યો હતો પરિવાર, દીકરીએ ફૂડ ડીલીવરી કરીને ચલાવ્યું ઘર

લોકડાઉનમાં ઘણા લોકોને મુશ્કેલીઓનો સામનો કરવો પડ્યો હતો અને ઘણા લોકોએ તેમની નોકરી ગુમાવી હતી. આવું જ કંઈક ઓડિશાના કટકમાં રહેતા એક વ્યક્તિ સાથે થયું, જેને નોકરી ગુમાવ્યા બાદ આર્થિક મુશ્કેલીનો સામનો કરવો પડ્યો. આવી સ્થિતિમાં, તેમની પુત્રીએ હિંમત બતાવી અને પરિવારની જવાબદારી લીધી. હવે આ પુત્રી ખોરાક પહોંચાડીને તેના પરિવારને ખવડાવી રહી છે.

18 વર્ષની વિષ્ણુપ્રિયા અભ્યાસ કરીને ડોક્ટર બનવા માંગતી હતી. પરંતુ કોરોનાએ બધું બદલી નાખ્યું. કોરોનાની મહામારીમાં તેના પિતાએ નોકરી ગુમાવી હતી. પછી વિષ્ણુપ્રિયાએ નોકરી શરૂ કરી. આ ક્રમમાં, તેણે ફૂડ ડિલીવરી એપ્લિકેશન ઝોમેટોમાં એક ઇન્ટરવ્યૂ આપ્યો અને તે સિલેક્ટ થઇ ગઈ. હવે ઘરે ઘરે ખાવાનું પહોંચાડવું એ વિષ્ણુપ્રિયાનું કામ છે.

Odisha: Bishnupriya Swain, a student in Cuttack picked food delivery work after her father lost job amid pandemic

“I was taking tuitions.During COVID students weren’t coming to class. We were facing financial issues. I joined Zomato to support my education&family,”she said y’day pic.twitter.com/TGfBPZDvZm

— ANI (@ANI) June 10, 2021

વિશેષ વાત એ છે કે, આ નોકરી પહેલાં વિષ્ણુપ્રિયાને બાઇક ચલાવી ન હતી. તેના પિતાએ તેને બાઇક ચલાવતા શીખવ્યું અને આગળ વધવાની તૈયારી કરી. વિષ્ણુપ્રિયાની માતા કહે છે, “અમારો કોઈ પુત્ર નથી, તેથી તે અમારો પુત્ર છે. તે પિતાની નોકરી બાદ પરિવાર ચલાવે છે. નોકરીની સાથે, તે પોતાનો અભ્યાસ કરે છે, બાળકોને ટ્યુશન અને ઘરના કામકાજમાં જરૂર પડે ત્યારે મદદ પણ કરે છે.