રાહુલ ગાંધી સાથેની ચર્ચામાં નોબેલ પ્રાઈઝ વિજેતા અર્થશાસ્ત્રીએ ભારત સરકારને આપી સલાહ

કોરોનાવાયરસને કારણે લાગુ થયેલા દેશવ્યાપી લોકડાઉનના કારણે ઈકોનોમીને થયેલા નુકસાન અંગે આજે કોંગ્રેસના પૂર્વ અધ્યક્ષ રાહુલ ગાંધીએ અર્થતંત્રમાં નોબેલ પ્રાઈઝ વિજેતા અભિજીત બેનરજી સાથે વાતચીત કરી હતી.

દેશની અને અર્થતંત્ર ફરી પાટે ચઢાવવા માટે બેનરજીએ કહ્યુ હતુ કે, લોકોને રોકડ રકમ મળે તે બહુ જરુર છે તેમજ તેમનુ દેવુ પણ માફ કરવુ પડશે.ભારત સરકારે પણ અમેરિકાની જેમ મોટુ પેકેજ જાહેર કરવુ પડશે.જેથી લોકોના હાથમાં રોકડ પૈસા પહોંચે અને તેનાથી બજારમાં ડિમાન્ડ વધારી શકાય.

રાહુલ ગાંધીએ તેમને પૂછેલા સવાલના જવાબમાં બેનરજીએ કહ્યુ હતુ કે, ન્યાય યોજનાની જેમ લોકોને પૈસા આપવામાં આવે તો સારુ જ છે.જેથી આર્થિક રીતે નબળા વર્ગના લોકોના હાથમાં પૈસા આવશે તો ખોટુ નથી.એક રીતે આ પ્રોત્સાહન હશે.

ઉલ્લેખનીય છે કે, લોકસભા ચૂંટણી પહેલા રાહુલ ગાંધીએ જો કોંગ્રેસની સરકાર બને તો ન્યાય યોજના હેઠળ પાંચ કરોડ ગરીબ પરિવારોને વર્ષે 72000 રુપિયા આપવાનો વાયદો કર્યો હતો.