માત્ર ચાઈનીઝ એપ્લીકેશન જ નહિ પરંતુ આવા ફોન પર પણ પ્રતિબંધ લગાવી શકે છે મોદી સરકાર

ભારતમાં ચાઈનીઝ એપ્સ(Chinese apps) પહેલેથી જ પ્રતિબંધિત(Banned) છે, હવે ચીનની સ્માર્ટફોન કંપની(Chinese smartphone company)ઓ પર પણ સ્ટ્રાઈક કરવાની તૈયારી કરવામાં આવી છે. બ્લૂમબર્ગના એક અહેવાલ મુજબ, ભારત ચીનના સ્માર્ટફોન નિર્માતાઓને રૂ. 12,000 ($ 150) થી ઓછી કિંમતના ઉપકરણો વેચવા પર પ્રતિબંધ મૂકી શકે છે જેથી કરીને તેના ખોરવાઈ રહેલા સ્થાનિક ઉદ્યોગને શરૂ કરી શકાય. Xiaomi Corpને આ નિર્ણયથી સૌથી મોટો ફટકો પડશે, કારણ કે તે આ બજેટ સ્માર્ટફોન વેચવામાં નંબર નંબર વન કંપની છે.

ખાસ કરીને જો વાત કરવામાં આવે તો સરકાર Lava, Micromax અને બીજી ઘણી ભારતીય કંપનીને પ્રોત્સાહિત કરવા ઈચ્છી રહી છે. અમે તમને જણાવી દઈએ કે, હજુ પણ ચાઈનીઝ સ્માર્ટફોન કંપનીઓનો બજેટ સેગ્મેન્ટ અને 15 હજાર રૂપિયા સુધીના સેગ્મેન્ટ પર દબદબો બનેલ છે.

રીપોર્ટ અનુસાર આ ચીની મોબાઈલ પર પ્રતિબંધ લગાવીને સરકાર ભારતીય સ્માર્ટફોન મેકર્સને મદદ કરવા માંગે છે અને મેડ ઈન્ડિયાને આગળ ધપાવવા માંગે છે. જો એવું થયું તો Xiaomi, Poco, Realme અને બીજી ચીની કંપનીઓને ભારે નુકશાન વેઠવાનો સમય આવી શકે છે.

એક રિપોર્ટમાં એવું પણ કહેવામાં આવી રહ્યું છે કે 12,000 રૂપિયાથી ઓછી કિંમતમાં આવતા સ્માર્ટફોનનું વેચાણ ભારતમાં કુલ મોબાઈલ વેચાણના ત્રીજા ભાગનું વેચાણ છે અને આ આંકડો જૂન 2022 ક્વાર્ટરનો છે. તેમાં ચીની સ્માર્ટફોન બ્રાન્ડના કુલ 80 % જેટલા ફોન ભારતમાં વહેંચાયા છે.