April 24, 2025
Gujarat Malnourished: કુપોષણ મુક્ત ગુજરાતનો નારો ગુંજારવામાં આવી રહ્યો છે. આ ઉપરાંત, કુપોષણ પર કરોડો રૂપિયા ખર્ચવામાં આવી રહ્યા છે, પરંતુ બાળ મૃત્યુદરમાં (Gujarat Malnourished) કોઈ સુધારો થયો નથી. CAG રિપોર્ટમાં ખુલાસો થયો છે કે છેલ્લા પાંચ વર્ષમાં જન્મના 24 કલાકની અંદર 18,231 નવજાત શિશુઓ મૃત્યુ પામ્યા છે. આ ઉપરાંત, 83,538 નવજાત શિશુઓ એક વર્ષ પણ જીવી શક્યા નથી. આમ, ગુજરાત સરકાર કુપોષણને કાબુમાં લેવામાં ખરાબ રીતે નિષ્ફળ ગઈ છે.
ગુજરાત સરકારની નિષ્ફળતા
CAGના રિપોર્ટ મુજબ છેલ્લા 5 વર્ષમાં જન્મના 24 કલાકમાં 18,231 નવજાત શિશુના મોત થયા છે. વધુમાં, 83,538 નવજાત શિશુ એક વર્ષ પણ જીવતા નહોતા. આનો અર્થ એ થયો કે ગુજરાત સરકાર કુપોષણને અંકુશમાં લેવામાં સતત નિષ્ફળ રહી છે. આ ઉપરાંત ગુજરાતમાં સગર્ભા મહિલાઓના પોષણના નામે કરોડો રૂપિયાનો ખર્ચ કરવામાં આવી રહ્યો છે. આમ છતાં ઓછા વજનવાળા અને કુપોષિત બાળકોની સંખ્યા સતત વધી રહી છે.
કુપોષણ પર 509 કરોડ રૂપિયા ખર્ચ્યા
ગુજરાતમાં પણ બાળમૃત્યુ દર વધી રહ્યો છે જે ગંભીર ચિંતાનો વિષય છે. ગુજરાત સરકારે કુપોષણ પર રૂ. 509 કરોડનો ખર્ચ કર્યો છે, તેમ છતાં રાજ્યમાં 5.40 લાખ બાળકો કુપોષિત છે. CAGના રિપોર્ટ અનુસાર, પૂરતા પ્રમાણમાં આહાર અને વિટામિન્સ ઉપલબ્ધ હોવા છતાં કુપોષણના દરમાં ઘટાડો થયો નથી. લાખો-કરોડ રૂપિયાના બજેટની ફાળવણી છતાં કુપોષણ સામેની લડાઈમાં ગુજરાત અન્ય રાજ્યોની સરખામણીમાં ઘણું પાછળ છે.
5 વર્ષમાં 18,231 શિશુઓ મૃત્યુ પામ્યા
CAG રિપોર્ટ દર્શાવે છે કે 2017-18 થી 2022-23 સુધીમાં જન્મના 24 કલાકની અંદર મૃત્યુ પામેલા નવજાત શિશુઓની સંખ્યા 18,231 રહી છે. આનો અર્થ એ છે કે દર વર્ષે સરેરાશ 3,000 બાળકો હોસ્પિટલમાં મૃત્યુ પામે છે. આ 5 વર્ષમાં 83,538 નવજાત શિશુઓ સારવાર લેવા છતાં એક વર્ષ પણ જીવિત રહી શક્યા નથી.
Trending News
બાળ મૃત્યુ દર
આ 5 વર્ષમાં રાજ્યમાં 8,12,886 નવજાત બાળકોનો જન્મ થયો છે. આ બાળકોનું વજન 2.5 કિલોથી ઓછું હતું. કુપોષિત માતાઓને પૌષ્ટિક આહાર ન મળવાને કારણે નબળા બાળકોનો જન્મ થઈ રહ્યો છે. રાષ્ટ્રીય પોષણ મિશન (2017) ની માર્ગદર્શિકા અનુસાર, ઓછા વજનવાળા શિશુઓના મૃત્યુદરમાં ઘટાડો થયો નથી. હાલમાં ગુજરાતમાં 2.5 કિલોથી ઓછું વજન ધરાવતા નવજાત શિશુઓની ટકાવારી 11.63% છે. આના પરથી સ્પષ્ટ થાય છે કે નવજાત મૃત્યુદર ચિંતાજનક સ્તરે વધી રહ્યો છે અને કુપોષણ મુક્ત ગુજરાતના દાવાઓની સત્યતા છતી થઈ ગઈ છે.
7 જિલ્લામાં આરોગ્ય કેન્દ્રો નથી
ગંભીર કુપોષણથી પીડાતા નવજાત શિશુઓને વિશેષ સારવાર આપવા માટે પોષણ પુનઃવસન કેન્દ્રોની સ્થાપના કરવામાં આવી હતી. પરંતુ કેગના અહેવાલ મુજબ અરવલી, બોટાદ, દ્વારકા, ગીર સોમનાથ, મહિસાગર, મોરબી અને પોરબંદરમાં આવા કોઈ આરોગ્ય કેન્દ્રો બનાવવામાં આવ્યા નથી. જ્યારે નવજાત મૃત્યુદર ઘટાડવા માટે આ કેન્દ્રોની જરૂર હતી.
8.82 લાખ બાળકોની ઓળખ
ગંભીર કુપોષણથી પીડિત 8.82 લાખ નવજાત શિશુઓની ઓળખ કરવામાં આવી હતી, પરંતુ આરોગ્ય કર્મચારીઓને આ બાળકોને સ્ક્રીનીંગ કરવા માટે ઘરે-ઘરે જવું પડ્યું હતું, જેમાંથી માત્ર 94,000ની તપાસ કરવામાં આવી હતી. આ ઉપરાંત, 1.63 લાખ શિશુઓને કુપોષણ સારવાર કેન્દ્રોમાં મોકલવામાં આવ્યા હતા. આ સ્પષ્ટપણે દર્શાવે છે કે બાળકોના સ્વાસ્થ્યની તપાસમાં ઘોર બેદરકારી હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App