બનાસકાંઠા જીલ્લાનો 25 ગામોને જોડતો કોઝ-વે પાણીમાં થયો ગરકાવ, જુઓ live વિડીઓ

બનાસકાંઠા જિલ્લામાં છેલ્લા બે ત્રણ દિવસથી વરસાદ મન મૂકીને વરસી રહ્યો છે. જ્યારે આજે પાલનપુર શહેરમાં ત્રણ જ કલાકમાં ચાર ઇંચ જેટલો વરસાદ ખાબકતાં સમગ્ર પાલનપુર પાણી પાણી થઇ ગયું. ભારે વરસાદને કારણે શહેરની અનેક સોસાયટીઓ અને ઘરોમાં પાણી ઘુસી ગયા.

જ્યારે ભારે વરસાદને કારણે બીજી બાજુ પાલનપુરના વેડચાથી હોડા જતા રસ્તા પર આવતો કોઝવે તુટી ગયો છે. આ કોઝવેનું નિર્માણ ત્રણ વર્ષ પહેલાં કરવામાં આવ્યું હતું. આ કોઝવે અંદાજે ૨૫ જેટલા ગામોને જોડે છે. કોઝવે તુટી જવા ના લાઈવ દ્રશ્યો પણ વીડીઓમાં કેદ થયા છે. સમગ્ર બનાવ બનતા જ લોકોના ટોળે ટોળા ઉમટી પડ્યા હતા.

View this post on Instagram

A post shared by Trishul News (@trishulnews)

મળતી માહિતી અનુસાર, પાલનપુરના વેડચા થી હોડા જતા રોડ પરનો કોઝવે તુટી પડયો હતો. આ કોઝવે લબડી નદી પર આવેલો છે. કોઝવે તુટી ગયો હોવાનો વિડીયો સોશિયલ મીડિયામાં ખૂબ જ વાયરલ થઇ રહ્યો છે. આ સમગ્ર ઘટના બનતા જ લોકોના ટોળે ટોળા ઉમટી પડ્યા હતા. કોઝવે તૂટી જવાના દ્રશ્યો ખરેખર ખૂબ જ ડરાવનારા છે.

ભારે વરસાદ ખાબકતા માટી પોંચી બનતી જતી હોય છે. તેને કારણે ચોમાસામાં ડામરના રસ્તાઓ ધોવાઇ જાય છે. વીડિયોમાં તમે જોઈ શકો છો કે કોઝવેનો અમુક ભાગ પાણીમાં ગરકાવ થઇ ગયો છે. કોઝવે ટુટતા ના સમાચાર લોકો પાસે પહોંચતા જ લોકોના ટોળેટોળાં ઘટનાસ્થળે દોડી આવ્યા હતા. કોઝવે તુટી ગયા ની જાણકારી સ્થાનિક તંત્રને આપી દેવામાં આવી છે.કોઝવે તૂટી જવાથી લોકોને હવે ૮ થી ૧૦ કિલોમીટર ફરીને જવું પડશે.