મુખ્યમંત્રી રૂપાણીએ કરાવ્યો કોરોના રીપોર્ટ, જુઓ વિડીયો

હાલમાં સમગ્ર ગુજરાત રાજ્યમાં કોરોનાના કેસ ખુબ જ ઝડપથી વધી રહ્યા છે. તેમાં પણ ખાસ કરીને અમદાવાદ, સુરત, રાજકોટ અને સૌરાષ્ટ્રમાં કોરોનાના કેસમાં જંગી વધારો થઈ રહ્યો છે. આ દરમ્યાન અમુક લોકો કોરોના ટેસ્ટ (corona test) કરાવવા માટે ગભરાતા હોય છે. કદાચ ર્તેમનો કોરોના રીપોર્ટ પોજીટીવ આવે અને તેમને હોસ્પીટલમાં દાખલ થવું પડે, તેવું માનીને લોકો પોતાનો કોરોના ટેસ્ટ કરાવતા હોતા નથી.

જો કોઈ પણ વ્યક્તિને પોતાનામાં કોરોનાના લક્ષણો દેખાય તો જાતે જ ટેસ્ટ કરાવવા આગળ આવવું જોઈએ અને તાત્કાલિક સારવાર કરાવવી જોઈએ. જેનાથી અન્ય લોકોને કોરોનાનો ચેપ લાગી શકે નહીં. કોરોનાથી ડરીને દૂર ન ભાગો, નહિ તો તમારું સંક્રમણ વધુ ઝડપથી ફેલાશે. આવામાં મુખ્યમંત્રી વિજય રૂપાણી (vijay rupani) એ કોરોના ટેસ્ટીંગ માટે રાજ્યના સૌ નાગરિકો પ્રજાજનોને સ્વયંભૂ આગળ આવી ટેસ્ટ કરાવવા અપીલ કરી છે. મુખ્યમંત્રી વિજય રૂપાણીએ રાજ્યના નાગરિકો-લોકોમાં ટેસ્ટિંગ પ્રત્યેનો ડર-ભય દૂર થાય અને સ્વયં જાગૃતિ આવે તે માટે સૌને પ્રેરિત કરવા સામે ચાલીને પોતાનો કોરોના ટેસ્ટ કરાવ્યો હતો અને તેનો રિપોર્ટ નેગેટિવ આવ્યો છે.

સુરક્ષિત પરિવાર, સુરક્ષિત ગુજરાત#GujaratFightsCovid19#IndiaFightsCorona pic.twitter.com/VJ8D78QtDT

— Vijay Rupani (@vijayrupanibjp) September 14, 2020

ગુજરાતના મુખ્યમંત્રી વિજય રુપાણીએ ‘ટેસ્ટ ઇઝ બેસ્ટ’નું સૂત્ર આપતાં સૌને અપીલ કરી છે કે, કોરોના સંક્રમણ નિયંત્રણ સામે પ્રભાવી રીતે કાર્યરત થવા અને સંક્રમિત વ્યકિતઓની ભાળ મેળવી સમયસર સારવાર માટે આ ટેસ્ટ જરૂરી છે અને તે ટેસ્ટ પ્રત્યે કોઇએ ભય-ડર રાખવાની જરૂર નથી. કોરોનાથી ડરીને દૂર ન ભાગો, નહિ તો તમારું સંક્રમણ વધુ ઝડપથી ફેલાશે.