February 26, 2025
Gandhinagar News: સમગ્ર રાજ્યમાં હવે પ્રાદેશિક વાહન વ્યવહાર કચેરી (RTO) અને વાહન વ્યવહાર કમિશનર દ્વારા લેવાયેલા નિર્ણય અનુસાર હવે કોઈપણ વાહન ચાલક (Gandhinagar News) પોતાના જૂના વાહનમાં લગાવેલી નંબર પ્લેટનો નંબર જૂના વાહન સામે નવું વાહન ખરીદતી વખતે તે વાહનનો નંબર લઈ લઈ શકશે.
ઘણા બધા વાહન માલિકો પોતાની જૂની ગાડીનો નંબરને લકી માનતા હોય છે અને અલગ અલગ પ્રકારની વ્યક્તિગત, ધાર્મિક, સામાજિક કે ન્યુમરોલોજી વગેરે માન્યતાઓના આધારે તેઓના વાહનો માટે ચોક્કસ પ્રકારનો નોંધણી નંબર મેળવવાનો આગ્રહ રાખે છે. ત્યારે વાહન માલિકો તેમના વાહન નંબર સાથે જોડાયેલ લાગણીને કારણે જૂના વાહનોનો નંબર પણ રિટર્ન રાખવાનો આગ્રહ રાખતા હોય છે. જે અનુસંધાને હવે ગુજરાત રાજ્યમાં વ્હીકલ નંબર રિટેન્શન પોલિસીનું અમલીકરણ કરવા જઈ રહ્યું છે.
કયા-કયા કિસ્સામાં વાહન નંબર રિટેન્શન મેળવી શકાશે?
1) વાહનની માલિકી જયારે તબદીલ થઈ રહી હોય અને વાહન માલિક પોતાનો વાહન નંબર રીટેન કરવા માંગતા હોય. આ કિસ્સામાં વાહનમાલિક જયારે વાહનની તબદીલીની અરજી કરે તે સમયે વાહનનો નંબર રીટેન કરી વાહન માલિક દ્વારા ખરીદાયેલા નવા વાહનને જે તે રીટેન કરેલ નંબર ફાળવવામાં આવશે અને માલિકી તબદીલ થયેલ વાહનને અન્ય નવો નંબર ફાળવવામાં આવશે.
Trending News
2) વાહન સ્ક્રેપ થતું હોય તે સમયે વાહન નંબર રીટેન્શન. આ કિસ્સામાં વાહન માલિક દ્વારા પોતાના નવા ખરીદાયેલા વાહન પર જુના વાહનનો નંબર રીટેન થશે અને જુના સ્ક્રેપ થનાર વાહનને અન્ય નંબર એલોટ કરવામાં આવશે અને ત્યારબાદ જે તે વાહનને મોટર વ્હીકલ્સ એકટ અને રૂલ્સ ની જોગવાઈઓ અનુસાર સ્ક્રેપ કરવામાં આવશે.
વાહન નંબર રીટેન્શનની શરતો
1) માલિક પોતાનો વાહન નંબર પોતાના દ્રારા ખરીદાયેલા નવા વાહનો ઉપર જ રીટેન કરી શકશે અને તે વાહન નંબર રીટેન્શનની પૂર્વ શરત રહેશે. જુના વાહન ઉપર વાહન નંબર રીટેઈન થઈ શકશે નહીં.
2) જે વાહનનો નંબર રીટેન કરવાનો છે તે તથા જે વાહન પર નંબર રીટેઈન કરવાનો છે, તે બંનેની માલિકી એક જ વ્યક્તિની હોવી જરૂરી છે. કોઈ અન્ય વ્યક્તિના નામે વાહન નંબર રીટેઈન થઈ શકશે નહીં. વધુમાં જે વાહનનો નંબર રીટેઈન કરવાનો છે. તે વાહનની માલિકી સંબંધિત વાહન માલિક પાસે ઓછામાં ઓછા એક વર્ષની હોવી જોઈશે.
3) વાહન નંબર રીટેન્શન સમયે બંન્ને વાહનોના કલાસ ઓફ વ્હીકલ સમાન હોવા જરૂરી રહેશે.
4) જે વાહનનો નંબર રીટેઈન કરવાનો છે તેનું રજીસ્ટ્રેશન રીટેન્શન સમયે કાર્યરત હોવું જોઈએ. એટલે કે અગાઉ જે વાહનો સ્કેપ થઈ ચૂકેલ છે તેવા વાહનોનો નંબર હાલ રીટેઇન થઈ શકશે નહીં.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો:
- Trishul News Gujarati iPhone App