2019-20 માં ગુજરાત સરકાર આપશે 35 હજાર લોકોને સરકારી નોકરી,જાણો ક્યા ક્યા વિભાગમાં આપશે નોકરી ?

ગુજરાતમાં 2018માં માત્ર 15 હજાર જેટલી જગ્યાઓ ભરાતાં લોકસભા ચૂંટણીમાં કોંગ્રેસે બેરોજગારીનો મુદ્દો ઉઠાવ્યો હતો. સરકારે આચારસંહિતા ઊઠતાં જ પ્રક્રિયા શરૂ કરવા માટે ભરતી એજન્સીઓને તાકીદ કરી છે

ગુજરાતમાં યુવાનો માટે ખુશખબર છે કેમ કે રાજ્ય સરકાર મોટા પાયે સરકારી નોકરીઓમાં ભરતી કરશે. રાજ્ય સરકાર વર્ષ 2019-20માં વધુ 35 હજાર સરકારી જગ્યા પર ભરતી કરશે. આ પૈકીની મોટા ભાગની જગાઓ શિક્ષકો અને પોલીસની હશે. ઉપરાંત બોર્ડ નિગમો અને ગ્રાન્ટેડ સંસ્થાઓને પણ ખાલી જગ્યા ઝડપી ભરવાની સૂચના અપાઈ છે.

ગુજરાતમાં 2018માં માત્ર 15 હજાર જેટલી જગ્યાઓ ભરાતાં લોકસભા ચૂંટણીમાં કોંગ્રેસે બેરોજગારીનો મુદ્દો ઉઠાવ્યો હતો. સરકારે આચારસંહિતા ઊઠતાં જ પ્રક્રિયા શરૂ કરવા માટે ભરતી એજન્સીઓને તાકીદ કરી છે. રાજ્યમાં સરકારી આંકડા પ્રમાણે હજુ 4.16 લાખ શિક્ષિત બેરોજગારો નોંધાયેલા છે.