March 12, 2025
Gujarat Weather Forecast: હવામાન નિષ્ણાત અંબાલાલ પટેલે રાજ્યમાં ગરમીની સ્થિતિને લઇને આગામી દિવસનું આંકલન કરતાં આગાહી કરી છે. અંબાલાલ પટેલના (Gujarat Weather Forecast) આંકલન મુજબ રાજ્યમાં હજુ તાપના ટોર્ચરથી ચાર દિવસ રાહત નહીં મળે. મહત્તમ તાપમાનમાં વધારો થઈ રહ્યો હોવાથી ગરમીનું પ્રમાણ વધ્યું છે. 15 માર્ચ બાદ ગરમીમાં ઘટાડાનું અંબાલાલ પટેલે અનુમાન વ્યક્ત કર્યું છે.હોળીના તહેવારમાં પવનનું જોર રહેશે અને મહત્તમ તાપમાનમાં ઘટાડો થશે.
મધ્ય અને ઉત્તર ગુજરાતના ભાગોમાં તાપમાન 34થી 36 ડિગ્રી રહેવાની શક્યતા છે. હોળીના દિવસોમાં કેટલાક ભાગોમાં વાદળછાયા વાતાવરણની શક્યતા છે. હોળીએ પવનની ગતિ 20 કિમી કલાકની રહેવાની શક્યતા છે, ઉત્તર ગુજરાતના ભાગોમાં પવનની ગતિ 40 કિમી કલાકની રહેવાની શક્યતા છે.
અંબાલાલ પટેલે કરી આ આગાહી
અંબાલાલ પટેલે કહ્યું, રાજ્યમાં હજુ બે થી ત્રણ દિવસ અંગ દઝાડતી ગરમી પડશે. 15મી માર્ચથી ગરમીમાં આંશિક ઘટાડો થશે. કેટલાક ભાગમાં મહત્તમ ઉષ્ણતામાન 33 ડિગ્રીથી 36 ડિગ્રી જેટલું રહેશે. મધ્ય-ઉત્તર ગુજરાતના ભાગમાં 34થી 36 ડિગ્રી જેટલું તાપમાન રહેશે. દરિયાકાંઠાના વિસ્તારમાં મહત્ત્મ તાપમાન 33 ડિગ્રી સેલ્સિયસ રહેશે. એક પછી એક પશ્ચિમ વિક્ષેપ આવી રહ્યા છે.
Trending News
દેશના ઉત્તરીય પર્વતીય પ્રદેશમાં તારીખ 13થી 14માં આવી રહેલા પશ્ચિમી વિક્ષેપોના કારણે હોળીના દિવસોમાં ક્યાંક વાદળવાયું અને ક્યાંક વરસાદ થવાની શક્યતા રહેશે.જ્યારે ગુજરાતમાં પણ વાદળછાયું વાતાવરણ રહેશે. આ દરમિયાન ગુજરાતમાં હવામાનમાં પલટો પણ થઈ શકે છે. આ ઉપરાંત તારીખ 20 સુધીમાં વાદળો આવવાની શક્યતા રહેતાં ક્યાંક છાંટા પણ પડી શકે છે. આમ છતાં કમોસમી વરસાદની શક્યતા ઓછી છે.
હોળી પર પવનની ગતિ કેવી રહેશે
આ વખતે હોળીમાં પવનની ગતિ વધારે રહેશે. જેમાં કચ્છમાં 20થી 40ની સ્પીડે, ઉત્તર ગુજરાતમાં 40ની સ્પીડે અને મધ્ય ગુજરાતના ભાગમાં 15ની સ્પીડે પવન ફૂંકાઈ શકે છે. જેથી મહત્તમ ઉષ્ણતામાનમાં ઘટાડો થઈ શકે છે. આગામી સમયમાં આવતા એક પછી એક હવામાનના પલટાને લીધે દક્ષિણ ભારતમાં ભારે વરસાદ થઈ શકે છે.+
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App