અમદાવાદ સિવિલ હોસ્પિટલમાં ૭ દિવસ પછી ખોવાયેલ બાળકી મળતા માતા-પિતા સહિત પરિવારમાં છવાયો ખુશીનો માહોલ

અમદાવાદ(ગુજરાત):  માતા-પિતા સૌથી વધારે વ્હાલ તેમના બાળકોને કરે છે. જે બાળકો તેમનાથી કોઈ કારણસર પળવાર પણ દૂર જતા રહે છે તે માતા પિતાને તેમની ખુબ જ ચિંતા થતી હોય છે. આવો જ બનાવ અમદાવાદ સિવિલ હોસ્પિટલમમાંથી સામે આવ્યો છે. જ્યાં એક મહિલાએ એક બાળકીને જન્મ આપ્યો હતો અને જન્મના થોડા જ સમય બાળકી ગાયબ થઇ જતા માતા-પિતા ખુબ જ ચિંતામાં આવી ગયા હતા.

આ વાતની જાણ થતાની સાથે જ માતા પિતાની ખુશી દુઃખમાં ફેરવાઈ ગઈ હતી. આ ઘટનાની પોલીસ ફરિયાદ પણ નોંધવામાં આવી હતી. નવજાત બાળકીને શોધવા માટે અમદાવાદ પોલીસ દ્વારા પણ પોતાનું કામ શરૂ કરી દેવામાં આવ્યું હતું. 2 દિવસ થઇ જતા દીકરીઓ કોઈ ભાળ ન મળતા માતા પિતાની રોઈ રોઈને ખુબ જ ખરાબ હાલત થઇ ગઈ હતી.

આખરે ૭ દિવસ બાદ અમદાવાદ પોલીસ દ્વારા ૫૦થી પણ વધારે cctv જોતા ઇસ્કોન ચાર રસ્તા પાસે એક શંકાસ્પદ મહિલા દેખાતા પોલીસ દ્વારા આ દિશામાં તપાસ કરવામાં આવતા ગુમ થયાના ૭ દિવસ પછી બાળકી જુહાપુરા વિસ્તારમાં રહેતી એક નગમા નામની મહિલાના ઘરેથી મળી આવી હતી. ત્યારબાદ આ મહિલાની અટકાયત કરવામાં આવી હતી.

જયારે મહિલાને પૂછવામાં આવ્યું કે, તેણે આવું કેમ કર્યું તો તેને જણાવ્યું કે તેને લગ્નના ઘણા વર્ષ થઇ ગયા છે પણ હજુ સુધી કોઈ બાળક ન હતું માટે તે આ બાળકીને પોતાના ઘરે લઇ ગઈ હતી. બાદમાં આ અમ્હીલાને સમજાવ્યું કે, માતા બનવા માટે બીજી માતાને દુઃખી કરવી એ ખુબ જ ખોટું કહેવાય. ૭ દિવસ પછી બાળકી હેમખેમ મળી જતા માતા પિતાના મોઢા પર ખુશી પછી આવી હતી.