November 24, 2024
ભારતીય ક્રિકેટ ટીમ(Indian cricket team)નો સ્ટાર ઓલરાઉન્ડર હાર્દિક પંડ્યા(Hardik Pandya) ભારત પરત ફરતી વખતે ખરાબ રીતે ફસાઈ ગયો છે. જ્યારે હાર્દિક પંડ્યા દુબઈથી મુંબઈ એરપોર્ટ(Mumbai Airport) પહોંચ્યો ત્યારે કસ્ટમ વિભાગે તેની તપાસ કરી હતી. આ દરમિયાન તેની પાસેથી બે ઘડિયાળો જપ્ત(Seized two watches) કરવામાં આવી છે. હાર્દિક પંડ્યાની આ ઘડિયાળોની કિંમત લગભગ 5 કરોડ રૂપિયા જણાવવામાં આવી રહી છે. હાર્દિકની આ 2 ઘડિયાળોએ ઇન્ટરનેટ પર સનસનાટી મચાવી દીધી છે. આ સમાચાર સોશિયલ મીડિયા પર આગની જેમ ફેલાઈ ગયા, ત્યારબાદ હાર્દિક પંડ્યાની પ્રતિક્રિયા સામે આવી છે. હાર્દિક પંડ્યાએ આ આરોપો અંગે પોતાનું મૌન તોડ્યું છે અને તેણે ટ્વીટ કરીને સમગ્ર સત્ય જણાવી દીધું છે.
— hardik pandya (@hardikpandya7) November 16, 2021
હાર્દિક પંડ્યાની પ્રતિક્રિયા આવી સામે:
દુબઈથી મુંબઈ પરત ફરેલા હાર્દિક પંડ્યા પાસેથી કસ્ટમ વિભાગે એરપોર્ટ પર બે લક્ઝરી ઘડિયાળો જપ્ત કરી હતી. હાર્દિક પંડ્યાએ ટ્વીટ કરીને ખુલાસો કર્યો છે. તેણે લખ્યું, ’15 નવેમ્બરની સવારે દુબઈથી મુંબઈ પહોંચતા જ હું પોતે દુબઈથી ખરીદેલા સામાનની કસ્ટમ ડ્યુટી ચૂકવવા એરપોર્ટના કસ્ટમ કાઉન્ટર પર ગયો હતો. સોશિયલ મીડિયા પર મારા વિશે ખોટી માહિતી ફેલાવવામાં આવી રહી છે. મેં પોતે એરપોર્ટ પર હાજર કસ્ટમ અધિકારીઓને તમામ સામાન વિશે જાણ કરી છે.
Trending News
ઘડિયાળની સાચી કિંમત:
હાર્દિક પંડ્યાએ વધુમાં જણાવતા કહ્યું છે કે, ‘કસ્ટમ વિભાગે મારી પાસેથી તમામ દસ્તાવેજો માંગ્યા છે. હાલમાં તેઓ યોગ્ય ફરજનું મૂલ્યાંકન કરવામાં વ્યસ્ત છે. હું સંપૂર્ણ ડ્યુટી ચૂકવવા તૈયાર છું અને સોશિયલ મીડિયા પર જે ઘડિયાળની કિંમત 5 કરોડ કહેવામાં આવી રહી છે તે ખોટું છે. આ ઘડિયાળની કિંમત 1.5 કરોડ રૂપિયા છે.
T20 વર્લ્ડ કપમાં પંડ્યા ખરાબ રીતે નિષ્ફળ રહ્યો હતો:
તમને જણાવી દઈએ કે હાર્દિક પંડ્યા ટી20 વર્લ્ડ કપમાં બોલ અને બેટથી ખરાબ રીતે ફ્લોપ રહ્યો હતો અને પાંચ મેચની ત્રણ ઇનિંગ્સમાં માત્ર 69 રન જ બનાવી શક્યો હતો. હાર્દિક પંડ્યાને ન્યુઝીલેન્ડ સામેની ટી-20 સીરીઝ માટે ટીમ ઈન્ડિયામાંથી બહાર કરવામાં આવ્યો છે. વેંકટેશ અય્યરને હાર્દિક પંડ્યાની જગ્યાએ ઓલરાઉન્ડર તરીકે ટીમમાં સામેલ કરવામાં આવ્યો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.