ભાજપમાં જોડાતા વેત હાર્દિકે પાટીદારોને આપી દીધો લોલીપોપ- બે મહિના થઇ ગયા છતાં એકને પણ નોકરી નથી અપાવી

ગુજરાત(Gujarat): અમે તમને જણાવી દઈએ કે, પાટીદાર અનામત આંદોલન(Patidar Anamat Andolan)નાં 7 વર્ષ પૂરાં થવા જઈ રહ્યાં છે. 25 ઓગસ્ટ, 2015ના રોજથી આક્રમક મોડમાં આવેલા આ આંદોલનને કારણે પહેલા 9 અને બાદમાં કુલ 14 લોકોએ પોતાનો જીવ ગુમાવ્યો હતો. પાટીદાર અનામતની માગ સાથે આંદોલનની શરૂઆત કરનારો વ્યક્તિ હાર્દિક પટેલ(Hardik Patel) પણ હવે એક સામાન્ય યુવકમાંથી નેતાના પદ પર પહોંચી ગયો છે. એક એવો નેતા બની ગયો છે કે, જેની બોલી પર હવે કોઈ વિશ્વાસ કરવા તૈયાર જ થતું નથી.

આપણે સૌ જાણીએ છીએ કે, ક્રમશ: રીતે હાર્દિક પટેલ એક સામાન્ય યુવાનમાંથી અનામત આંદોલનના નેતા, કોંગ્રેસના કાર્યકારી પ્રમુખ અને હવે ભાજપના નેતા બની ગયા છે, પરંતુ એ પાટીદાર અનામત આંદોલનમાં પોતાના જીવ ગુમાવનારા યુવાનોના પરિવારજનોની જિંદગી જ થંભી થઈ ગઈ છે અને એ પરિવારો તો હજુ પણ ત્યાંના ત્યાં જ છે. પોતાના લાડકવાયા દીકરાને ખોનારા પરિવારજનોની મનોદશા શબ્દોમાં પણ વર્ણવી શકાય તેમ નથી.

અનામત આંદોલનના નામે રાજકારણ રમીને 14 યુવાનની હત્યા કરવાના આક્ષેપો સાથે ભાજપમાં જોડાતી વખતે હાર્દિક પટેલે આપેલાં વચન અને વાયદા પર તે આજે પણ ખરો ઊતરી શક્યો નથી. ભાજપમાં જોડાવાના બે મહિના બાદ પણ મૃતક પરિવારો માટે કોઈ કામ હાર્દિક પટેલ દ્વારા કરવામાં આવ્યા નથી. જાણે કે મૃતક પરિવારોને ભૂલી જ ના ગયો હોય.

અમે તમને જણાવી દદઈએ કે, હાર્દિક પટેલે આ સમયગાળા દરમિયાન પાટીદાર અનામત આંદોલન દરમિયાન મોતને ભેટનારા પરિવારજનોને નોકરી અપાવવાનું એક વચન આપ્યું હતું અને કહ્યું હતું કે, આંદોલન દરમિયાન અમારા સાથી યુવાનોના જે મૃત્યુ થયાં હતાં તેમને મદદ મળે તેવા પૂરા પ્રયત્નો અમારા દ્વારા કરવામાં આવશે. વધુમાં હાર્દિક પટેલે જણાવતા કહ્યું હતું કે, અમે મિત્રોએ નક્કી કર્યું છે કે જ્યાં સુધી સરકારી નોકરી ના મળે ત્યાં સુધી આગામી બે મહિનાની અંદર તમામ મૃતક પરિજનોને વૈકલ્પિક નોકરીની વ્યવસ્થા કરીશું.